"வாழ்வில் மறக்க முடியாத நாள்

கோவை: வேளாண் இன்ஜினியரிங் துறையில் 25 ஆண்டுகளுக்கு முன் படித்த மாணவர்கள் குடும்பத்துடன் சந்தித்து மன நெகழ்வுடன் அளவளாவினர்.தமிழ்நாடு வேளாண் கல்லூரி இன்ஜி னியரிங் துறையில் 1981-85ம் ஆண்டு படித்த மாணவர்கள், குடும்பத்துடன் சந்திக்கும் விழா நடந்தது. பொன்விழாக் கட்டடத்தில் நடந்த நிகழ்ச்சிக்கு துணைவேந்தர் முருகேசபூபதி தலைமை வகித்து பேசுகையில், ""கல்லூரியில் படித்த நாட்கள் நேற்று நடந்தது போன்று உள்ளது. ஆண்டுகள் உருண்டோடி விட்டன. படிக்கும் போது, எதிர்காலத்தில் என்னவாகப்போகிறோம்; எந்தப்பதவியில் இருப்போம் என்று தெரியாது.

எல்லோரையும் சமமாகவே பாவித்து, நட்பு பாராட்டியிருப்போம். இன்று சந்திக்கும்போது, பல்வேறு துறைகளில் சிலர் தலைமை பொறுப்பில் இருப்பதை பார்க்கும்போது, சந்தோஷமாக இருக்கும். நம் நட்பு வட்டாரம் குழந்தைகளுடன் சேர்ந்து விரிவடையட்டும்,'' என்றார்.நிகழ்ச்சி பற்றி முன்னாள் மாணவர்கள் கூறியதாவது:கடந்த 1981-85ம் ஆண்டுகளில் வேளாண் இன்ஜினியரிங் துறையில் படித்தோம். எங்கள் 53 பேரில் ஒருவர் மட்டும் உயிருடன் இல்லை. எஞ்சிய 52 பேரில் 32 பேர் தமிழக அரசின் வேளாண் இன்ஜினியரிங் துறையில் உதவி இன்ஜி னியர்களாக பணிபுரிகிறோம். ஆறுபேர் ஆந்திர மாணவர்கள்; இருவர் வெளிநாட்டிலும், ஒருவர் ஆந்திர பல்கலையில் பேராசிரியராகவும் பணிபுரிகின்றனர். 14 பேரில் ஐந்து பேர் வெளிநாட்டிலும், ஒருவர் தேசிய தகவல் மையத்திலும், சிலர் பேராசிரியர்களாகவும், தொழிலதிபர்களாகவும் இருக்கின்றனர். எல்லோரையும் நல்ல நிலையில் பார்க்கும் போது மகிழ்ச்சியாக இருக்கிறது. சிலரை பார்த்த உடன் அடையாளம் தெரியவில்லை. உருவத்தில் மாறுபாடு இருந்தது. சில நண்பர்களை 25 ஆண்டுகள் கழித்து இப்போதுதான் பார்க்கிறோம். குடும்பம், குழந்தைகளுடன் பார்க்கவே பரவசமாக இருக்கிறது. அதற்குள் 25 ஆண்டுகள் உருண்டோடி விட்டதா என, எண்ணுகையில் ஆச்சரியமாகவும் இருக்கிறது. வாழ்வில் மறக்க முடியாத நாளாக, எங்களின் சந்திப்பு அமைந்துவிட்டது.இவ்வாறு, முன்னாள் மாணவர்கள் தெரிவித்தனர். இன்ஜினியரிங் துறை முன்னாள் முதன்மையர் சிவனப்பன், பேராசிரியர்கள் உட்பட பலர் பங்கேற்றனர்.


நன்றி தினமலர்

://:-: ://:-: