இலட்சக்கணக்கான மக்களை திரட்டி கொழும்பில் மே தினம்

by **நேசமுடன் ஹாசிம்** Thu 21 Apr 2011 - 12:23

மே தினத்தில் இலட்சக்கணக்கான மக்களை ஒன்று திரட்டி இலங்கைக்கு எதிரான ஐ.நா.வின் குற்றச்சாட்டுக்கு எதிராகக் குரல் கொடுக்கப்போவதாக மேல் மாகாண ஆளுநர் அலவி மெளலானா தெரிவித்தார்.

இல்லாததொன்றை இருப்பதாகக் காட்டும் ஏகாதிபத்தியத்திற்குத் துணை போகும் ஐ.நா. செயலாளர் பான்கீ மூனுக்கு இலங்கையின் பலத்தைக் காட்டுவதாக எதிர்வரும் மே தினம் அமையும் எனவும் அவர் தெரிவித்தார்.

கொழும்பில் நேற்று நடைபெற்ற செய்தியாளர் மாநா டொன்றில் கலந்து கொண்டு இது தொடர்பில் கருத்துத் தெரிவித்த ஆளுநர் அலவி மெளலானா, எதிர்க்கட்சி உட்பட சகல கட்சிகள் அமைப்புக்கள் இன, மத பேத மின்றி இதற்கெதிராகக் குரல் கொடு க்க வேண்டுமெனவும் கேட்டுக் கொண்டார்.

அவர் இது தொடர்பில் மேலும் தெரிவிக்கையில்,

அமெரிக்கா போன்ற நாடுகள் தற்போது பலவீனமடைந்துள்ளன. அதனால்தான் இத்தகைய பிரச்சி னைகளுக்கு துணைபோகும் நடவ டிக்கைகளில் அவை ஈடுபடுகின்றன. ஐக்கிய நாடுகளின் செயலாளர் நாயகம் மேற்குலக நாடுகளின் பாராட்டைப் பெற்றுக்கொள்வதற் காகவே இவ்வாறு செயற்படுகி ன்றார்.

நாட்டைப் பாதுகாத்து சிறந்த சூழலை உருவாக்கியுள்ள ஜனாதி பதி மஹிந்த ராஜபக்ஷவிற்கு எதிராக மேற்கொள்ளப்படும் இச்சதி முயற்சிக்கு எதிராக சகலரும் முன்னிற்பது அவசியம் எனவும் அவர் மேலும் தெரிவித்தார்.