ஜாக்கி ஷெராப்பின் தமிழ் பட அனுபவம்

கன்னடம், மலையாளம், ஹிந்தி, தெலுங்கு, ஆங்கிலம், பெங்காலி, போஜ்பூரி, மராத்தி என சுமார் 175 படங்களில் நடித்த அனுபவத்துடன் தமிழில் நடித்துள்ளார் பாலிவுட் நடிகர் ஜாக்கி ஷெராப்.
"ஆரண்ய காண்டம்" படத்தில் முக்கியமான கதாபாத்திரத்தில் நடித்துள்ளார். எந்த மொழி படமாக இருந்தாலும் வித்தியாசமான வேடங்களை தேடி பிடித்து நடிப்பதை ஜாக்கி வழக்கமாக வைத்துள்ளாராம்.

தமிழ் படத்தில் நடிக்க துடித்தாராம். நடிப்பு என்று வந்துவிட்டால் புனிதமானவன், கெட்டவன், ரொமான்டிக் பேர்வழி, குடிகார குசும்பன் என்று வகை, வகையான கதாபாத்திரங்களில் நடிக்க விரும்பினால் மட்டும் போதும் ஜாக்கி உடனே சரி என்று சொல்லிவிடுவாராம்.

தயாரிப்பாளர் எஸ்.பி.சரண் "ஆரண்ய காண்டம்" படத்தில் நடிக்க சொன்னதும் நான் உற்சாகமடைந்தேன். இந்திய திரையுலகின் பிரபல பின்னணி பாடகர் எஸ்.பி.பாலசுப்ரமணியத்தின் பெரிய விசிறி நான்.

"கர்தீஸ்" படத்தில் "யே மேரா தில்" என்ற பாடலை அவர் பாடியிருப்பார். அந்த குரலில் எனக்கு தீராத மயக்கம் உண்டு. அவரின் தயாரிப்பில் நடிப்பது எனக்கு பெருமை சேர்த்துள்ளது.

"ஆரண்ய காண்டம்" படத்திற்காக நடித்த சம்பத், ரவி கிருஷ்ணா, யாஸ்மின், படத்தை இயக்கிய குமார ராஜா, இசையமைப்பாளர் யுவன் சங்கர் ராஜா ஆகியோருடன் தமிழில் பணியாற்றியது மறக்க முடியாத அனுபவமாக உள்ளது என்றும் ஜாக்கி ஷெராப் கூறியுள்ளாராம்.