அணு ஆபத்தை வீதி விபத்துக்கு ஒப்பிடுவதா? அப்துல் கலாம் கருத்துக்கு விஞ்ஞானிராவ் எதிர்ப்பு

அணு ஆபத்தை வீதி விபத்துக்கு ஒப்பிடுவதா? அப்துல் கலாம் கருத்துக்கு விஞ்ஞானிராவ் எதிர்ப்பு
அணு சக்தியை நாம் கைவிட முடியாது என முன்னாள் ஜனாதிபதி அப்துல் கலாம் கூறியிருப்பதற்கு சுற்றுச் சூழல் விஞ்ஞானி சிவாஜி ராவ் கண்டனம் தெரிவித்துள்ளார்.

அணு சக்தி விஞ்ஞானியும், முன்னாள் ஜனாதிபதியுமான அப்துல் கலாம் கடந்த செவ்வாய்க்கிழமை சிவகாசியில் பள்ளி மாணவர்களிடையே உரையாடுகையில் அணு சக்தியை நாம் கைவிட முடியாது.

விமான விபத்து சாலை விபத்து நடந்தால், அதனால் போக்குவரத்து நின்று விடுவதில்லை. தொடர்ந்து அந்த மாதிரியான வாகனங்களை பயன்படுத்துவது போல அணுசக்தி நிலைய விபத்துக்களைப் பார்த்து நாம் அணுசக்தியை பயன்படுத்தாமல் கைவிட்டுவிட முடியாது என தெரிவித்திருந்தார்.

அப்துல் கலாமின் இந்த கருத்துக்கு சுற்றுச் சூழல் விஞ்ஞானியும் ஜி. ஐ. டி. ஏ. எம். பல்கலைக்கழக பேராசிரியருமான சிவாஜி ராவ் கூறியதாவது:- விமான விபத்தோ வாகன விபத்தோ நடந்தால், தனி நபர் மட்டுமே பலியாகின்றனர். அவர்களால் சுற்றுச் சூழலோ பல தலைமுறைகளோ பாதிப்பதில்லை.

இந்த உதாரணத்தை அணுசக்தி நிலைய விபத்தோடு ஒப்பிட்டு அப்துல் கலாம் பேசியிருப்பது முறையில்லாதது. அதி நவீன வசதிகளைக் கொண்ட அமெரிக்கா, ஜெர்மனி, ஜப்பான் போன்ற நாடுகளே அணுசக்தி பாதுகாப்பில்லாதது என்பதை உணர்ந்து அணு சக்தி நிலையங்களை மூடத் தொடங்கி யுள்ளன.

நம் நாட்டில் அணு சக்தி நிலையங்களை பராமரிக்க நடவடிக்கை எடுத்தாலும், எல்லா நேரங்களிலும் அதை முறைப்படி பராமரிக்கவோ, விபத்து காலங்களில் ஏற்படும் பிரச்சினைகளை சமாளிக்கவோ திறன் கிடையாது. எனவே தான் அணு சக்தி நிலையங்கள் அமைவதை எதிர்க்கிறோம். இவ்வாறு சிவாஜிராவ் கூறினார்.

விமான விபத்து சாலை விபத்து நடந்தால், அதனால் போக்குவரத்து நின்று விடுவதில்லை. தொடர்ந்து அந்த மாதிரியான வாகனங்களை பயன்படுத்துவது போல அணுசக்தி நிலைய விபத்துக்களைப் பார்த்து நாம் அணுசக்தியை பயன்படுத்தாமல் கைவிட்டுவிட முடியாது என தெரிவித்திருந்தார்.

அணு உலை இல்லை என்றால் ,ஏது மின்சாரம் .
எல்லாத்துக்கும் சரமாய் இருக்கும் அணு உலை வேண்டும் தான் .
மனிதன் கண்டு பிடிப்பு எல்லாம் அழிவுக்கு தான் .இருப்பினும் ,
தேவைக்கு என்ன செய்வது .கலாம் சொல்வது உண்மையே.

kalainilaa wrote:விமான விபத்து சாலை விபத்து நடந்தால், அதனால் போக்குவரத்து நின்று விடுவதில்லை. தொடர்ந்து அந்த மாதிரியான வாகனங்களை பயன்படுத்துவது போல அணுசக்தி நிலைய விபத்துக்களைப் பார்த்து நாம் அணுசக்தியை பயன்படுத்தாமல் கைவிட்டுவிட முடியாது என தெரிவித்திருந்தார்.

அணு உலை இல்லை என்றால் ,ஏது மின்சாரம் .
எல்லாத்துக்கும் சரமாய் இருக்கும் அணு உலை வேண்டும் தான் .
மனிதன் கண்டு பிடிப்பு எல்லாம் அழிவுக்கு தான் .இருப்பினும் ,
தேவைக்கு என்ன செய்வது .கலாம் சொல்வது உண்மையே.

@. @.