லிபிய கிளர்ச்சியாளர்களுக்கு பிரானஸ் விமானம் மூலம் ஆயுத விநியோகம் ஆபிரிக்க யூனியன் கடும் கண்டனம்

லிபிய கிளர்ச்சியாளர்களுக்கு பிரானஸ் விமானம் மூலம் ஆயுத விநியோகம்
ஆபிரிக்க யூனியன் கடும் கண்டனம்
லிபியாவின் கிளர்ச்சிப்படை கட்டுப்பாட்டு பகுதியில் விமானங்கள் மூலம் ஆயுதங்களை கொட்டியதாக பிரான்ஸ் இராணுவம் ஒப்புக்கொண்டுள்ளது.

கடந்த மாத ஆரம்பப் பகுதியில் இந்த ஆயுதங்கள் கொட்டப்பட்டதாக பிரான்ஸ் இராணுவ அதிகாரிகளின் பேச்சாளர் கொலொனல் தியரி பர்காட் குறிப்பிட்டுள்ளார். இதன்போது ரைபல் துப்பாக்கிகள், இயந்திர துப்பாக்கிகள் மற்றும் ஏவுகணைகள் கொட்டப்பட்டதாக அவர் குறிப்பிட்டார்.

முன்னதாக பிரான்ஸிலிருந்து வெளியாகும் பிகாரோ நாளிதழ் மற்றும் ஏ. எப். பி. செய்திச் சேவை பிரான்ஸ் இராணுவம் லிபிய கிளர்ச்சிப்படை பகுதிக்கு பல தொன் ஆயுதங்களை கொட்டியதாக செய்தி வெளியிட்டிருந்தது. கிளர்ச்சிப்படையின் கட்டுப்பாட்டிலுள்ள நபூசா மலைத்தொடர் பகுதியிலேயே இந்த ஆயுதங்கள் கொட்டப்பட்டுள்ளன. நபூஸா மலைத்தொடர் லிபிய தலைநகர் திரிபோலுக்கு தென்பகுதியில் 100 மீற்றருக்கு அப்பால் அமைந்துள்ளது.

இந்நிலையில் பிரான்ஸ் இராணுவத்தின் இந்த செயலுக்கு ஆபிரிக்க யூனியன் கடும் கண்டனத்தை வெளியிட்டுள்ளது.

“யார் இந்த ஆயுதத்தை கொடுத்தார்கள் என்பது இங்கு பிரச்சினையல்ல. இந்த அயுதம் யாரிடம் செல்கிறது என்பதுதான் பிரச்சினை. ஏற்கனவே அல்கொய்தா அமைப்புக்கு ஆயுதங்கள் கிடைத்துள்ளதாக எமக்கு தகவல் வந்துள்ளது” என ஆபிரிக்க யூனியன் ஆணையாளர் ஜீன் பின்ங் குறிப்பிட்டுள்ளார். ஆபிரிக்க யூனியன் மாநாடு மலாபோவில் நேற்று ஆரம்பமானது. அதில் கலந்துகொள்ள வருகை தந்த ஜீன் பின்ங் இந்த கண்டத்தை வெளியிட்டார்.

அத்துடன் இவ்வாறு ஆயுதங்கள் விநியோகிக்கப்படுவது ஆபிரிக்க நாடுகளுக்கு அச்சுறுத்தலாக அமையும் என குறிப்பிட்ட அவர், சோமாலியா போன்று லிபியாவிலும் சிவில் யுத்தம் ஒன்று ஏற்படும் ஆபாயம் உள்ளது என்பதோடு அனைத்து பக்கங்களிலும் இது அச்சுறுத்தலாக அமையும் எனக் குறிப்பிட்டார்.

பிரான்ஸ் இராணுவம் ஆயுதங்களை கொட்டிய நபூஸா பகுதி கிளர்ச்சியாளர்கள் வசம் இருந்தாலும் அங்கிருந்து தலைநகர் திரிபோலிக்கச் செல்லும் பிரதான பாதை அமைந்துள்ள கர்யான் பகுதி தொடர்ந்து கடாபி ஆதரவு படையின் கட்டுப்பாட்டிலேயே உள்ளது.

இதேவேளை, பிரான்ஸ் கிளர்ச்சிப் படைக்கு ஆயுதம் விநியோகித்ததானது 1973 ஆம் ஆண்டு ஐ. நா. தீர்மானத்துக்கு முரணான செயல் என சர்ச்சை கிளம்பியுள்ளது. நேட்டோ இராணுவம் லிபிய மக்களை காப்பதற்காகவே செயற்படுகிறது. இந்நிலையில் ஆயுதங்களை விநியோகிப்பது எவ்வளவு தூரம் சட்ட ரீதியானது என்ற கேள்வி எழுப்பப்பட்டுள்ளது.

எனினும், லிபிய இராணுவத்தின் அச்சறுத்தல் இருக்கும் கிளர்ச்சியாளர் பகுதிக்கே நாம் ஆயுதங்களை விநியோகித்ததாக பிரான்ஸ் இராணுவ பேச்சாளர் ஒருவர் ஏ. எப். பிக்கு தெரிவித்துள்ளார்.

“நாம் மனிதாபிமான உதவிகளாக உணவு, நீர் மற்றும் மருத்துவ பொருட்களை கிளர்ச்சியாளர் பகுதிக்கு வினியோகித்தோம். இதன்போது பொதுமக்களின் பாதுகாப்பிற்காக ஆயுதங்களை போட்டோம். பொது மக்களின் தற்பாதுகாப்பிற்காகவே இந்த நடவடிக்கை எடுக்கப்பட்டது” என அந்த இராணுவப் பேச்சாளர் குறிப்பிட்டுள்ளார்.

இதுக்கு பெயர் என்ன .தீவரவாதம் இல்லையா ?

மனித நேயம் அற்றவர்கள் இவர்கள்.அடுத்த நாட்டின் தலையிட இவர்கள் யார் .

kalainilaa wrote:இதுக்கு பெயர் என்ன .தீவரவாதம் இல்லையா ?

மனித நேயம் அற்றவர்கள் இவர்கள்.அடுத்த நாட்டின் தலையிட இவர்கள் யார் .

@. @.