பொக்கிஷங்களை மதிப்பீடு செய்யும் பணி ஆரம்பம்

பொக்கிஷங்களை மதிப்பீடு செய்யும் பணி ஆரம்பம்
பத்மநாப சுவாமி கோவில் பொக்கிஷங்களை உயர் நீதிமன்றம் நியமித்த ஐந்து பேர் கொண்ட குழு, நேற்று முன்தினம் காலை முதல் மதிப்பீடு செய்யும் பணியைத் தொடங்கியது. ஆனால் நேற்று முன்தினம் நடந்த பணியின் போது, பொக்கிஷங்கள் மற்றும் மதிப்பீடு செய்யும் பணி ஆகியவற்றை காணொளியில் பதிவு செய்யவில்லை.

கேரள மாநில தலைநகர் திருவனந்தபுரத்தில், உலக பிரசித்தி பெற்ற பத்மநாப சுவாமி கோயில் உள்ளது. இக்கோயிலில் பல நூற்றாண்டுகள் பழமை வாய்ந்த தங்கம், வெள்ளி, வைர நகைகள் பொருட்கள் என, ஒன்றரை இலட்சம் கோடி ரூபாவுக்கும் அதிகமான மதிப்பில் பல்வேறு பொக்கிஷங்கள் இருப்பதாக தெரிய வந்துள்ளது. இதற்காக ஏற்கனவே உயர் நீதிமன்றம் நியமித்த ஏழு பேர் கொண்ட குழு, கோயிலில் உள்ள ஆறு பாதாள அறைகளில் ஐந்து அறைகளைத் திறந்து பார்த்து ஆய்வு செய்தது. ஆனால் ஆறாவது அறை (பி அறை) யை மட்டும் திறக்கவில்லை.

இது குறித்து உயர் நீதிமன்றம் பிறப்பித்த உத்தரவில் "மறு உத்தரவு வரும் வரையில் பி அறையை திறக்கக்கூடாது" என கூறியிருந்தது. இந்நிலையில், பொக்கிஷங்களை நேரில் பார்வையிட்டு அதன் மதிப்புகளை கணக்கிட்டு உயர் நீதிமன்றத்திற்கு அறிக்கை தாக்கல் செய்ய வசதியாக, ஐந்து பேர் கொண்ட குழுவை உயர் நீதிமன்றம் நியமித்தது.

இக்குழு கடந்த ஞாயிற்றுக்கிழமை திருவனந்தபுரத்தில் உள்ள கிருஷ்ண விலாசம் கோட்டையில் ஆலோசனை நடத்தியது. அதன் தொடர்ச்சியாக, ஏற்கனவே திட்டமிட்டிருந்தபடி, நேற்றுமுன்தினம் காலை முதல் பத்மநாப சுவாமி கோயில் பாதாள அறைகளில் உள்ள பொக்கிஷங்களை பார்வையிட அங்கு சென்றனர். கோயிலில் இதுவரை திறக்கப்பட்டுள்ள ஐந்து அறைகளிலும் இக்குழு நேரில் பார்வையிட்டு, அங்குள்ள பொக்கிஷங்களின் மதிப்பு, அவை எக்காலத்தவை, அவற்றின் தன்மை போன்ற பல்வேறு விளக்கங்களை ஆராயும். தற்போது வந்துள்ள குழுவும், பாதாள அறைகளில் இதுவரை திறக்கப்படாமல் உள்ள ஆறாவது அறை திறக்காது எனக் கூறப்படுகிறது. இப்பணியின் போது, தடை ஏதும் வராமல், தினமும் மதிப்பீட்டுப் பணிகளை நடத்த குழு முடிவு செய்துள்ளது. மதிப்பீட்டு பணிகளின் ஒரு பகுதியாக அப்பொக்கிஷங்களை எவ்வாறு நவீன முறையில் பாதுகாப்பது என்பது குறித்தும் உயர் நீதிமன்றத்தில் தாக்கல் செய்யப்பட உள்ள அறிக்கையில் விரிவாகக் குறிப்பிடும் என எதிர்பார்க்கப்படுகிறது. நேற்று முன்தினம் தொடங்கிய பணிகளை வீடியோ மூலம் படமெடுப்பது நடக்கவில்லை.

:”@:

பகிர்வுக்கு நன்றி பாஸ் :!+: :!+: