"சில்மிஷம்' செய்த தலைமையாசிரியர் மீது நடவடிக்கை கோரி பள்ளி முற்றுகை

சிவகாசி : சிவகாசி திருத்தங்கல் அருகே ஊராட்சி ஒன்றிய நடுநிலைப்பள்ளியில் மாணவிகளிடம் சில்மிஷம் செய்த தலைமையாசிரியர் மீது நடவடிக்கை கோரி, பெற்றோர் பள்ளியை முற்றுகையிட்டனர். நடவடிக்கை எடுப்பதாக அதிகாரிகள் உறுதியளித்ததால் முற்றுகை கைவிடப்பட்டது.
திருத்தங்கல் அருகே சத்யா நகரில் ஊராட்சி ஒன்றிய நடுநிலைப்பள்ளி உள்ளது. இங்கு சித்துராஜபுரம் தனசேகர் (51) தலைமையாசிரியராக உள்ளார். இவர் எட்டாம் வகுப்பு படிக்கும் மூன்று மாணவிகளிடம் ஆபாசமாக பேசி சில்மிஷம் செய்துள்ளார். இதுகுறித்து பெற்றோரிடம் தெரிவித்தால் தேர்வில் பெயில் ஆக்கி விடுவதாக மிரட்டியுள்ளார். கடந்த சனிக்கிழமை தனசேகர் சில்மிஷம் செய்ததை பொறுக்க முடியாத மாணவிகள் பெற்றோர்களிடம் தெரிவித்தனர். நேற்று காலை 9 மணிக்கு பள்ளியை பெற்றோர் முற்றுகையிட்டனர். தலைமையாசிரியர் தனசேகர் அறைக்குள் சென்று கதவை மூடிக்கொண்டார். திருத்தங்கல் இன்ஸ்பெக்டர் ராமச்சந்திரன், தனசேகரை மீட்டு போலீஸ் காரில் ஏற்றினார். தவறு செய்தவரை எங்கள் முன் விசாரிக்க வேண்டும் என பெற்றோர் காரை மறித்தனர். மாவட்ட தொடக்க கல்வி அலுவலர் பொன்னம்பலம், உதவி கல்வி அதிகாரி தாமோதரன், தாசில்தார் ராமச்சந்திரன் சமரசம் செய்தனர். தனசேகர் மீது நடவடிக்கை எடுப்பதாக தெரிவித்தனர். அதன் பின்னர் காலை 11 மணிக்கு முற்றுகை கைவிடப்பட்டது. சத்யா நகரை சேர்ந்த ஈஸ்வரன் திருத்தங்கல் போலீசில் தனசேகர் மீது புகார் செய்தார். போலீசார் தனசேகரை சிவகாசி டவுன் போலீஸ் ஸ்டேஷனில் வைத்து விசாரிக்கின்றனர்.


இதுபோன்ற ஆட்களை ஜாமீனில் வெளியே விடக்கூடாது . :%

:!.: :!.: :#.:

இதுபோன்ற ஆட்களை நடு ரோட்டில் வைத்து தண்டனை வழங்க வேண்டும் அதை ஒரு பெரும் மக்கள் கூட்டம் பார்க்க செய்ய வேண்டும்

இப்படிப்பட்டவரை நடு வீதியில் சாகும் வரை தூக்கில் இட வேண்டும் :#.: :#.: :#.: