மர்ம மனிதர்களின் நடமாட்டத்திற்கு எதிர்ப்புத் தெரிவித்து ஆர்ப்பாட்டம்

நன்றி தமிழ் மிரர்


மட்டக்களப்பு புதுநகரில் நேற்றிரவு நடமாடியதாக தெரிவிக்கப்படும் மர்ம மனிதர்களை பொதுமக்கள் துரத்திச் சென்றபோது அம்மர்ம மனிதர்கள் சேத்துக்குடா பொலிஸ் காவலரணுக்குள் ஓடி ஒழிந்துகொண்டதைக் கண்டித்து அலையாகத் திரண்டு வந்த அப்பகுதி மக்கள் புதூர் விமான நிலையத்துக்கு அருகாமையில் இன்று சொவ்வாய்க்கிழமை காலை ஆர்ப்பாட்டமொன்றில் ஈடுபட்டனர்.


இந்த ஆர்ப்பாட்டத்தில் மட்டக்களப்பு மாநகரசபை முதல்வர் சிவகீதா பிரபாகரன், மண்முனைப்பற்று பிரதேசசபைத் தவிசாளர் சசிதரன் கிரிஸ்ரினா, வவுணதீவு பிரதேச சபையின் எதிர்க்கட்சித் தலைவர் கே.விமலநாதன், மாநகரசபை உறுப்பினர் கிருபைராஜா, மக்கள் பிரதிநிதிகள் ஆகியோர் கலந்துகொண்டுள்ளதுடன், மர்ம மனிதர்களின் நடமாட்டத்திற்கு எதிர்ப்புத் தெரிவித்து வீதியை மறித்து ஆர்ப்பாட்டத்தில் ஈடுபட்டனர்.

இந்த ஆர்ப்பாட்டத்தில் கலந்துகொண்டோர் தெரிவிக்கையில்,

'க.பொ.த உயர்தரப் பரீட்சை தற்போது நடைபெற்று வருகின்ற நிலையில் மாணவர்கள் பரீட்சைக்குத் தயாராக முடியாதளவுக்கு இந்த மர்ம மனிதர்களின் நடமாட்டத்தினால் அவர்கள் குழப்பமடைந்து காணப்படுகின்றனர். சிறுவர்கள் முதல் பெரியோர்கள் வரை உளரீதியான பிரச்சினைக்கு முகம்கொடுத்து வருகின்றனர்.


தங்களது பகுதிக்குள் நுழையும் மர்ம மனிதர்கள் விமான நிலையம், சேத்துக்குடா பொலிஸ் காவலரண் ஆகியவற்றுக்குள் தப்பிச்சென்று ஒழிந்துகொள்கின்றனர்' என்றனர்.

எனவே, ஊரின் மத்தியில் அமைந்துள்ள சேத்துக்குடா பொலிஸ் காவலரணை உடனடியாக அகற்றுமாறும் ஆப்பாட்டத்தில் ஈடுபட்டவர்கள் வேண்டுகோள் விடுத்தனர்.

ஆர்ப்பாட்டக்காரர்கள் வீதிகளில் ரயர்களை எரித்து வீதித்தடையை ஏற்படுத்தினர். இதனால் மட்டக்களப்பு நகரிலிருந்து படுவான்கரைக்கான போக்குவரத்து பாதிக்கப்பட்டது.படப்பிடிப்பு:-எம்.எஸ்.வதனகுமார்,ரி.லோஹித்,எம்.சுக்ரி

இதன் பின்னும் விடிவு கிடைக்குமா? பொர்த்திருந்து பார்லாம் பழய நிலை திரும்ப நாமும் இறைவனை வேண்டுவோம்.

பகிர்விற்க்கு நன்றி பர்ஹாத்