77 ஆண்டுகளுக்கு முன்னர்

by **நண்பன்** Wed 17 Aug 2011 - 4:38

77 ஆண்டுகளுக்கு முன்னர்
காந்தியினால் நடப்பட்ட நாவல் மரத்திற்கு சுதந்திர தினத்தன்று மலர் தூவி மரியதை
கோவையில், 77 ஆண்டுகளுக்கு முன் மகாத்மா காந்தி நட்ட நாவல் மரத்துக்கு, சுதந்திர தினத்தை முன்னிட்டு, மரியாதை செய்யப்பட்டது. சுதந்திர போராட்டத்தின் போது 1934ல் காந்தி, மதுரை வழியாக கோவை வந்தார். காந்தியை சுதந்திர போராட்ட வீரர்கள், நகைக்கடை உரிமையாளர்கள், அப்போதைய ஜமீன் தார்கள் வரவேற்றனர்.

இவர்களில் இராமநாதபுரத்தைச் சேர்ந்த ஜமீன்தார், காந்தியை தன் அரண் மனைக்கு அழைத்து வந்தார். அப்போது தனது ஞாபகார்த்தமாக, ஜமீன் பகுதியில் நாவல் மரக்கன்று நட்டார். பாதுகாப்பாக பராமரிக்கப்பட்ட அம்மரம், தற்போது வளர்ந்து, கூட்டுறவு விற்பனைக் குழு வளாகத்தில் மிகப் பழமையான, வயதான மரம் என்ற அந்தஸ்தை பெற்று ள்ளது.

சுதந்திரம் பெற்ற பின் ஒவ்வொரு ஆண் டும் காந்தியின் நினை வாக சுதந்திரத்தைப் போற்றும் வகையில், மரத்தின் இரு பகுதியி லும் தேசிய கொடி நட்டு, மலர் தூவி மரி யாதை செய்யப்படு கிறது. நேற்றுமுன்தினம் நாட்டின் 65வது சுதந்திர தின விழா கொண்டா ட்டத்தின்போது, காந்தி நட்ட நாவல் மரத்துக் கும் அதிகாரிகள், ஊழி யர்கள் மரியாதை செய்து வணங்கினர்.

காந்தியும், அன்றைய ஜமீன்தாரும் சேர்ந்து எடுத்துக்கொண்ட படங்கள் விற்பனைக்குழு அதிகாரியின் அறை யின் சுவரை அலங்கரித்துக் கொண்டுள்ளது. தேச சுதந் திரத்துக்காக பாடுபட்ட காந்தி, நம்மை விட்டு பிரிந்தாலும், அவர் நட்டு வைத்த நாவல் மரம் கடந்த 77 ஆண்டுகள் உயிராக நம்முடன் இருக்கிறது.