விடுதலை செய்ய உத்தரவிட்ட பிறகும் சிறையை விட்டு வெளியேற அன்னா ஹசாரே மறுப்பு

by **நண்பன்** Wed 17 Aug 2011 - 4:46

புதுடெல்லி, ஆக.17-

ஊழலுக்கு எதிராக கடுமையான சட்டம் கொண்டுவர வேண்டும், லோக்பால் விசாரணை வரம்புக்குள் பிரதமரையும் சேர்க்க வேண்டும் என்று வலியுறுத்தி காந்தியவாதியும், சமூக ஆர்வலருமான அன்னா ஹசாரே குழுவினர் நேற்று உண்ணாவிரதம் இருக்க முயன்றபோது கைது செய்யப்பட்டனர்.

திகார் சிறையில் அடைக்கப்பட்ட அவர்களில் கிரண்பெடி உள்ளிட்ட சிலர் மாலையில் விடுதலை செய்யப்பட்டனர்.

இரவில் அன்னா ஹசாரேயும் விடுதலை செய்யப்படுவதாக மத்திய அரசு அறிவித்தது. இந்த தகவல் சிறையில் இருந்த அன்னா ஹசாரேவுக்கு தெரிவிக்கப்பட்டது.

ஆனால், அவர் சிறையில் இருந்து வெளியேற முடியாது என்று மறுத்து விட்டார். உண்ணாவிரதத்துக்கு அனுமதி அளிக்க மத்திய அரசு உத்தரவாதம் அளித்தால் சிறையில் இருந்து வெளியே செல்ல தயார் என்று அன்னா ஹசாரே தெரிவித்தார்.