சிறையை விட்டு வெளியேறும் முன் சக கைதிகளுக்கு டிவி, இனிப்பு கொடுத்த கனிமொழி

டெல்லி: திகார் சிறையில் இருந்து ஜாமீனில் விடுதலையான திமுக எம்பி கனிமொழி சக பெண் கைதிகளுக்கு சிறை கேன்டீனில் இனிப்பு வாங்கிக் கொடுத்து, தான் பயன்படுத்திய டிவியை அவர்களுக்கு பரிசாக கொடுத்துவிட்டு வந்துள்ளார்.

2ஜி ஊழல் வழக்கில் கைதாகி கடந்த 6 மாதங்களாக திகார் சிறையில் இருந்தார் திமுக எம்பி கனிமொழி. கடந்த திங்கட்கிழமை டெல்லி உயர் நீதிமன்றம் கனிமொழிக்கு ஜாமீன் வழங்கியது. இதையடுத்து அவர் நேற்று இரவு 7.30 மணி அளவில் திகார் சிறையில் இருந்து வெளியே வந்தார்.

முன்னதாக அவர் தன்னுடன் சிறையில் இருந்த சக பெண் கைதிகளைத் தழுவி, அவர்களுக்கு சிறை கேன்டீனில் இனிப்பு வாங்கிக் கொடுத்து தனது மகிழ்ச்சியை அவர்களுடன் பகிர்ந்து கொண்டார்.

மேலும் சிறையில் இருக்கையில் தான் பயன்படுத்திய டிவியை சக கைதிகளுக்கு அன்பளிப்பாக கொடுத்துள்ளார். வெளியே வருகையில் சிறை அதிகாரிகளுக்கு நன்றி தெரிவித்துவிட்டு வந்துள்ளார் என்று கூறப்படுகிறது.

கனிமொழி திகாரை விட்டு வெளியே வரும்போது மிகுந்த மகிழ்ச்சியுடன் காணப்பட்டார் என்று ஊடகங்கள் தெரிவித்தன.

கனிமொழியை எதிர்பார்த்து சிறை வாசலில் பத்திரிக்கையாளர்கள் குவிந்திருந்தனர். அதனால் அவர் வேறு வழியாக வெளியே வந்தார். திமுக எம்பி டிஆர் பாலு, எம்.பி.யும் கனிமொழியின் சகோதரருமான அழகிரி, டி.கே.எஸ். இளங்கோவன், கனிமொழியின் கணவர் அரவிந்தன் உள்ளிட்டவர்கள் திகார் வாசலில் கனிமொழியை வரவேற்றனர்.

வரும் டிசம்பர் மாதம் 3ம் தேதி கனிமொழி சென்னைக்கு செல்கிறார். அங்கு கனிமொழி வருகையை விழாவாகக் கொண்டாட திமுக ஏற்பாடுகள் செய்து வருகின்றது.

பாவம் அதிகம் கஷ்டப்பட்டிருக்கிறார் போலும்

ஜெயில் ல இருந்து போகும்போது துள்ளி குதித்து ஓடினதாகக் கேள்விப்பட்டேனே

சிறையில் கனிமொழியின் நடத்தை சிறப்பாக இருந்தது என்று சிறை அதிகாரிகள் சான்றிதல் கொடுத்து இருக்கிறாரக்ள் .ஒரு பெரிய அரசியல் தலைவரின் பிள்ளை என்ற அகந்தையோ அல்லது நாடாளுமன்ற உருப்பினர் என்ற பந்தாவோ அல்லது ஒரு பணக்கார அம்மாவின் பிள்ளையோ என்ற அகந்தையோ அவருக்கு துளிகூட இல்லாமல் மிகவும் சாதாரண பென் கைதியைப் போல் நடந்து கொண்டார் என்றும் .சிறை அதிகாரிகளுக்கு எள்ளளவும் அவரால் தொந்தரவு இல்லை என்று சிறைக்குறிப்பு கூறுகிறது.

ஊடகங்களின் தவறான பிரச்சாரத்தால் தான் 2ஜி விவகாரம் பூதாகரமானது ஆகையால் ஊடகங்களின் தேவையற்ற தொல்லையை தவிற்கவே அவர் வேறு வழியில் வந்தார் .இப்போது ஊடகங்களின் உறுப்பினர்கள் முந்தி மாதிரி இல்லை ..முக்கிய தலைவர்களை நோக்கி செறுப்பு வீசுவது ,கன்னத்தில் அடிப்பது என்று போய்க்கொண்டு இருக்கிறது அல்லவா