1500 நபர்களை கொலை செய்ய உத்தரவிட்ட போதை பொருள் கும்பல் தலைவன் கைது.

by **ஜிப்ரியா** Tue 2 Aug 2011 - 3:43

மெக்சிகோ நாட்டின் ஜுவாரஸ் நகர போதை பொருள் கும்பல் தலைவன் ஜோஸ் ஆன்டனியோ அகோஸ்டா ஹெர்னாண்டஸ்(வயது 33).
இவனை பற்றிய தகவல் தருபவர்களுக்கு 12,75,000 டொலர் பரிசளிக்கப்படும் என அறிவிக்கப்பட்டிருந்தது.
இந்நிலையில் கடந்த வெள்ளிக்கிழமை அவன் கைது செய்யப்பட்டான். ஜோஸ் ஆன்டனியோ கடந்த 2010ம் ஆண்டு அமெரிக்க தூதரக பெண் அதிகாரியான லெஸ்லி என்ரிகியூஸ், அவரது கணவர் ஆர்தர் மற்றொரு அதிகாரியின் கணவர் சல்சிடோ ஆகியோரை சுட்டு கொன்ற வழக்கில் தேடப்பட்டு வந்தான்.
மேலும் வடக்கு ஷிஹுவாஹுவா மாகாணத்தில் மட்டும் இதுவரை 1,500 பேரை தீர்த்து கட்ட உத்தரவிட்டுள்ளான். மெக்சிகோ நாட்டின் கலவரம் மிகுந்த ஜுவாரஸ் நகரத்தில் கடந்த 2010ம் ஆண்டில் மட்டும் 3,000 பேர் படுகொலை செய்யப்பட்டுள்ளனர் என்பது குறிப்பிடத்தக்கது.