புனித நகரமாக கருதப்படும் திருப்பதி போதை பொருள் கடத்தும் மையமாக மாறிவிட்டதா

by **நேசமுடன் ஹாசிம்** Thu 24 Nov 2011 - 15:17

திருப்பதி மற்றும் அதை சுற்றியுள்ள பகுதிகளில் போதை பொருட்கள் பறிமுதல் செய்யப்பட்டதாக மத்திய உள்துறை இணை அமைச்சர் முல்லப்பள்ளி ராமச்சந்திரன் தெரிவித்துள்ளார்.
மாநிலங்களவையில் நேற்று கேள்வி நேரத்தின்போது உறுப்பினர் ஒருவர் புனித நகரமாக கருதப்படும் திருப்பதி போதை பொருள் கடத்தும் மையமாக மாறிவிட்டதா? என்று கேள்வி எழுப்பினார். இதற்கு அமைச்சர் முல்லப்பள்ளி ராமச்சந்திரன் அளித்த பதிலில் கூறியதாவது:

2009ம் ஆண்டு முதல் திருப்பதி பகுதியில் 750 கிராம் அளவுக்கு கொக்கைன் எனப்படும் போதை பொருளை மாநில போலீசார் கைப்பற்றியுள்ளனர். திருப்பதியில் 904 கிராம் ஹெராயின் மற்றும் 200 கிராம் மெத்தைல்பெனிடேட் போதை பொருட்கள் இருந்தது கண்டுபிடிக்கப்பட்டது. இது தொடர்பாக 2 மாணவர்கள் மற்றும் நைஜிரியா நாட்டை சேர்ந்த ஒருவரை போலீசார் கைது செய்துள்ளனர்.