தகப்பனை உலக்கையால் அடித்துக் கொன்ற பிள்ளை!

by **அர்சாத்** Sat 8 Jan 2011 - 11:01

இன்றைய அவசர உலகத்தில் இடம்பெறும் சில துர்ப்பாக்கிய சம்பவங்கள் சமூக கட்டமைப்பை ஒட்டு மொத்தமாகப் புரட்டிப் போடக்கூடிய அளவுக்கு பிரதான விடயமாக அமைந்து விடுகின்றன.

அந்த வகையில் பதுளை மாவட்டத்தின் அட்டாம்பிட்டிய பிரதேசத்தில் தகப்பனை உலக்கையால் அடித்து மகன் கொலை செய்துள்ளதாக தெரியவந்துள்ளது.

மதுபோதையில் ஏற்பட்ட வாய்த்தர்க்கம் காரணமாகவே இச்சம்பவம் இடம்பெற்றுள்ளதாக பண்டாரவளைப் பொலிஸார் தெரிவித்துள்ளனர்.

அட்டாம்பிட்டிய பிரதேசத்தின் முதலாம் பிரிவுக் காலனியைச் சேர்ந்த 71 வயதான செல்லையா சுப்பையா என்பவரே இவ்வாறு கொல்லப்பட்டவராவார். தற்போது மகனைப் பொலிஸார் கைது செய்துள்ளனர்.

இச்சம்பவம் தொடர்பான மேலதிக புலனாய்வு விசாரணைகளை பண்டாரவளைப் பொலிஸார் மேற்கொண்டு வருகின்றனர்.