65 ஆயிரம் ஏக்கர் காணிகளை அமெரிக்காவிற்கு வாழைப்பழ செய்கைக்கு வழங்கிய அரசு!

இலங்கையில் 65 ஆயிரம் ஏக்கர் காணியை அமெரிக்காவிற்கு நீண்டகால குத்தகைக்கு வாழைப்பழ செய்கைக்காக கொடுத்துள்ளதாக தெரிவிக்கப்படுகிறது.

சோமாவதி பூங்கா, கந்தளாய், லுனுகம்வெஹெர, புத்தல ஆகிய பிரதேசங்களிலுள்ள 65,500 ஏக்கர் நிலப்பரப்பு காணிகளை இவ்வாறு வெளிநாட்டு நிறுவனத்திற்கு வழங்க அரசாங்கம் இணக்கம் தெரிவித்துள்ளது.

என்ன நிபந்தனையின் அடிப்படையில் 65,500 காணியை வாழைச் செய்கைக்காக அமெரிக்க நிறுவனமொன்றுக்கு வழங்க நடவடிக்கை எடுக்கப்பட்டுள்ளது என சுற்றுபுறச் சூழல் அமைப்புக்கள் கேள்வியெழுப்பியுள்ளன.

எனினும், இதுதொடர்பாக தமக்கு எதுவும் அறிவிக்கப்படவில்லையென இலங்கை மத்திய சுற்றுப்புறச் சூழல் அதிகார சபை தெரிவித்துள்ளது.

நாட்டில் முன்னெடுக்கப்படும் எந்தவொரு அபிவிருத்தித் திட்டமாக இருந்தாலும், அதனால் ஏற்படும் சூழல் பாதிப்பு குறித்து திட்டமிடும் அதிகாரம் சுற்றுப்புறச் சூழல் அதிகார சபைக்கே இருக்கிறது.

எனினும், அதிகார சபைக்கு அறிவிக்காது இவ்வாறு காணிக் கொள்ளையொன்று இடம்பெறுவது அநீதியான செயல் என சுற்றுப்புறச் சூழல் ஆர்வலர்கள் கவலை வெளியிட்டுள்ளனர்.

கந்தளாய் பிரதேசத்தில் 15 ஆயிரம் ஏக்கர் காணியும், சோமாவதி தேசிய பூங்காவின் கந்தகடுவ பிரதேசத்திலுள்ள 11 ஆயிரம் ஏக்கர் காணியும், லுனுகம்வெஹர பிரதேசத்தில் 3 ஆயிரம் ஏக்கர் காணியும், புத்தல பிரதேசத்தில் 500 ஏக்கர் காணியும் இவ்வாறு அமெரிக்க நிறுவனத்திற்கு விற்பனை செய்யத் திட்டமிடப்பட்டுள்ளது.

இதுதொடர்பாக சுற்றுச்சூழல் அதிகார சபையின் தலைவர், அதிகாரிகளிடம் சுற்றுச்சூழல் ஆர்வர்கள் கருத்து கேட்டபோது, இதுகுறித்து தமக்கு எதுவும் தெரியாது எனக் கூறியுள்ளனர். அத்துடன், இவ்வாறான வெளிநாட்டு வாழைச் செய்கையானது, தேசிய வாழைச் செய்கைக்கு அச்சுறுத்தலாக அமையும் எனவும் அவர்கள் சுட்டிக்காட்டியுள்ளனர்.

அமெரிக்கர்கள் இப்போது எங்கடா விவசாயம் செய்யலாம் என்று அழைகிறார்களே