10-வது நாளாக உண்ணாவிரதம்: அன்னாஹசாரே உடல் கடும் பாதிப்பு; டாக்டர்கள் எச்சரிக்கை

புதுடெல்லி, ஆக. 25-


ஊழலை
ஒழிப்பதற்காக ஜன லோக்பால் மசோதாவை நிறைவேற்ற வேண்டும் என்று காந்தியவாதி
அன்னா ஹசாரே டெல்லி ராம் லீலா மைதானத்தில் இன்று 10-வது நாளாக உண்ணாவிரதம்
இருந்து வருகிறார்.

மத்திய அரசை கண்டித்து சிறை
நிரப்பும் போராட்டத்துக்கும், எம்.பி.க்கள் வீட்டை முற்றுகையிடும்
போராட்டத்துக்கும் அவர் அழைப்பு விடுத்துள்ளார்.

இன்று
காலை 9.30 மணிக்கு டாக்டர்கள் அவரது உடலை பரிசோதித்தனர். பிறகு டாக்டர்
நரேஷ் டிரெகன் கூறுகையில், அன்னாஹசாரே உடல் நிலையில் பெரிய மாற்றங்கள்
ஏற்பட்டுள்ளது. அவரது உடல் நலம் கடுமையாக குறைந்திருப்பது கவலை அளிக்கிறது
என்றார்.

டாக்டர்கள் குழு ஒன்று அன்னாஹசாரேயை
கண்காணித்து வருகிறது. இரண்டு மணி நேரத்துக்கு ஒரு தடவை பரிசோதித்து வரும்
அவர்கள் எச்சரித்துள்ளனர்.

இதற்கிடையே ராம்லீலா
மைதானத்தில் சிறப்பு அதிரடிப்படை போலீசார் குவிக்கப்பட்டுள்ளனர்.
அன்னாஹசாரே உடல்நிலை அபாய கட்டத்தை எட்டும் போது அவர்கள் அதிரடியாக அவரை
மீட்டு மருத்துவமனையில் சேர்ப்பார்கள் என்று கூறப்படுகிறது.

போலீசார்
அப்படி ஒரு நடவடிக்கையில் ஈடுபட்டால், எந்த வன்முறையிலும் ஈடுபட வேண்டாம்
என்று அன்னா ஹசாரே தன் ஆதரவாளர்களுக்கு கோரிக்கை விடுத்துள்ளார்.

இவன் ஒரு அரசியல் வேஷ தாரி