உள்ளாட்சி தேர்தல்: நடிகர் விஜய்யின் மக்கள் இயக்கம் போட்டி

by **நண்பன்** Sun 28 Aug 2011 - 10:50

சென்னை, ஆக 28-

நடிகர்
விஜய் தனது ரசிகர் மன்றத்தை மக்கள் இயக்கமாக மாற்றினார். இந்த இயக்கம்
சார்பில் ஏழைகளுக்கு நலத்திட்ட உதவிகள் வழங்கப்பட்டு வருகிறது. மாவட்டம்
தோறும் நடிகர் விஜய் நலத் திட்ட உதவிகளை வழங்கி வருகிறார்.

சமீபத்தில்
நடந்த சட்டமன்ற தேர்தலில் விஜய்யின் மக்கள் இயக்கம் போட்டியிடும் என்று
எதிர்பார்க்கப்பட்டது. ஆனால் தேர்தலில் போட்டியிடவில்லை. அ.தி. மு.க.
கூட்டணிக்கு ஆதரவு தெரிவித்தது. அவரது தந்தையும், டைரக்டருமான எஸ்.ஏ.
சந்திரசேகரன் அ.தி.மு.க.வை ஆதரித்து பிரசாரம் செய்தார்.

இந்த
நிலையில் உள்ளாட்சி தேர்தலில் மக்கள் இயக்கம் போட்டியிட வேண்டும் என்று
விஜய்யிடம் அவரது ரசிகர்கள் கேட்டுக் கொண்டனர். இதை விஜய் ஏற்றுக்
கொண்டார்.

இது தொடர்பாக அவரது தந்தை எஸ்.ஏ. சந்திரசேகரன் கூறியதாவது:-

மக்கள்
இயக்கத்தின் தொண்டர்கள் உள்ளாட்சி தேர்தலில் போட்டியிட வேண்டும் என்று
விஜய்யிடம் வேண்டுகோள் விடுத்தனர். சில அங்கீகாரம் கிடைக்க வேண்டும் என்று
அவர்கள் விரும்பினார்கள். இதை விஜய் ஏற்றுக் கொண்டார். அ.தி.மு.க.வுடன்
எங்களது சுமூகமான உறவு உள்ளது. எனவே உள்ளூர் அ.தி.மு.க. நிர்வாகிகளுடன்
கலந்து ஆலோசித்து உள்ளாட்சி தேர்தலில் போட்டியிடுமாறு ரசிகர்களிடம்
தெரிவிக்கப்பட்டுள்ளது.

அடிதட்டு மக்களும் சேவை
செய்வதற்காக மக்கள் இய்ககம் உள்ளாட்சி தேர்தலில் போட்டியிடுகிறது.
டெல்லியில் நடந்த அன்னா ஹசாரே உண்ணாவிரதத்தில் மக்கள் இயக்கம் சார்பில்
விஜய் சென்று தனது ஆதரவை தெரிவித்தார்.

இவ்வாறு அவர் கூறினார்.
மாலை மலர்