வவுனியா * முல்லைத்தீவு மீள் குடியேறியோருக்கென 618 வீடுகள் இன்று கையளிப்பு

by **நண்பன்** Wed 7 Sep 2011 - 9:11

வவுனியா
* முல்லைத்தீவு
மீள் குடியேறியோருக்கென
618 வீடுகள் இன்று கையளிப்பு

லோரன்ஸ் செல்வநாயகம்

வவுனியா, முல் லைத்தீவு மாவட்டங்களில் மீள்குடியேறியுள்ள மக்களுக்காகப் புதிதாக
நிர்மாணிக்கப்பட்ட 618 வீடுகள் இன்று உத்தியோகபூர்வமாகக் கையளிக்கப்படவுள்ளன.
வடக்கிற்கு இன்று விஜயம் செய்யும் பொருளாதார அபிவிருத்தி அமைச்சர் பஷில் ராஜபக்ஷ
இவ்வீடுகளை வீட்டுரிமையா ளர்களுக்குக் கையளிக்கவுள்ளார்.
இன்றைய தினம் வடக்கிற்கான விஜயமொன்றினை மேற்கொள்ளும் அமைச்சர் பஷில் ராஜபக்ஷ,
மேற்படி வீடுகளை உத்தியோகபூர்வமாகக் கையளிப்பதுடன் யுத்தத் தினால் சேதமடைந்து மீள்
புனரமைக்கப்பட் டுள்ள செட்டிக்குளம் பல நோக்குக் கூட்டுறவுச் சங்க அரிசி ஆலையையும்,
பப்படத் தொழி ற்சாலையையும் திறந்துவைக்க வுள்ளார்.
வவுனியா மாவட்டத்தில் ஐரோப்பிய ஒன்றியத்தின் நிதி யுதவியுடன் 518 வீடுகள் புதிதாக
நிர்மாணிக்கப்பட்டுள்ளன. அத்துடன் முல்லைத்தீவு மாவட்டத்தின் செல்வபுரத்தில் நோர்வே
அர சாங்கத்தின் நிதியுதவியுடன் 100 வீடுகள் புதிதாக நிர்மாணிக்கப்பட்டுள்ளன.
இவற்றில் செட்டிக்குளம், மெனிக்பாம் பிரதேசத்தில் நிர்மாணிக்கப்பட்டுள்ள 100
வீடுகளையும் முல்லைத்தீவு செல்வபுரத்தில் புதிதாக நிர்மாணிக்கப்பட்ட 100 வீடுகளையும்
அமைச்சர் பஷில் ராஜபக்ஷ உத்தியோகபூர்வமாக வீட்டுரி மையாளர்களுக்குக் கையளிப்பார்.
முல்லைத்தீவு மாவட்டத்தில் கரித்தாஸ் நிறுவனமும், வவுனியாவில் ஐரோப்பிய ஒன்றியமும்
மீள் குடியேறிய மக்களுக்காக இந்த வீடுகளை நிர்மாணித்து வழங்கியுள்ளதாக வவுனியா,
முல்லைத்தீவு மாவட்ட அரசாங்க அதிபர்கள் நேற்றுத் தினகரனுக்குத் தெரிவித்தனர்.
முல்லைத்தீவு செல்வபுரத்தில் நோர்வேயின் நிதியுதவியுடன் கரித்தாஸ் நிறுவனம்
நிர்மாணித்துள்ள வீடுகளுக்கு 42.5 மில்லியன் ரூபா செலவிடப்பட்டதாக முல்லைத்தீவு
அரசாங்க அதிபர் த. பத்திநாதன் தெரிவித்தார்.
முல்லைத்தீவிற்கு விஜயம் செய்யும் அமைச்சர் பஷில் ராஜபக்ஷ கடற்றொழிலில்
ஈடுபட்டுள்ளவர் களுக்கு மீன்பிடி உபகரணங்களையும் கையளிக்கவுள்ளார்.

இந்நிகழ்வுகளில் ஐரோப்பிய ஒன்றிய பிரதிநிதிகள், நோர்வே தூதுவர், கரிட்டாஸ்
பிரதிநிதிகள் யாழ். ஆயர் தோமஸ் செளந்தரநாயகம் ஆண்டகை, பாப்பரசரின் அப்போஸ்தலிகப்
பிரதிநிதி மற்றும் அரசாங்க அதிபர் உள்ளிட்ட அரச அதிகாரிகளும் கலந்துகொள்ளவுள் ளனர்