Latest topics

தமிழர் மீள் குடியேற்றம் பெருமளவு முடிந்தது: இலங்கை அரசு தகவல்

சேனைத்தமிழ் உலா :: தகவலறை :: இலங்கை, இந்தியச் செய்திகள்

Page 1 of 1

தமிழர் மீள் குடியேற்றம் பெருமளவு முடிந்தது: இலங்கை அரசு தகவல்

by *சம்ஸ் Sun 6 Nov 2011 - 8:17

கொழும்பு, நவ. 5-
இலங்கையில் போருக்குப் பின், மீள் குடியேற்றத்திற்கான பணிகள் தற்போது பெருமளவு முடிந்து விட்டதாக, அந்நாட்டு அரசு தெரிவித்துள்ளது.

இலங்கையில், 2009 மே மாதம் நடந்த இறுதிக்கட்ட போருக்குப் பின், லட்சக்கணக்கான தமிழர்கள் முகாம்களில் தங்க வைக்கப்பட்டனர். இந்நிலையில், அவர்களில் பெரும்பான்மையோரை இன்னும் மீள் குடியேற்றம் செய்யவில்லை என்ற குற்றச்சாட்டு, இலங்கை மீது கூறப்பட்டு வருகிறது.

இலங்கை மீள் குடியேற்றத் துறை அமைச்சர் குணரத்ன வீரகோன் கூறியதாவது: முகாம்களில் இருந்த மூன்று லட்சம் குடிமக்களில், தற்போது 2,100 குடும்பங்களைச் சேர்ந்த 10 ஆயிரம் பேரைத் தவிர, மற்ற அனைவரும் மீள் குடியேற்றம் செய்யப்பட்டு விட்டனர். மீதமுள்ள 10 ஆயிரம் பேரையும், மீள்குடியமர்த்தும் பணிகள் நடந்து வருகின்றன, என்றார். தற்போது மீதமுள்ள 10 ஆயிரம் பேர், விடுதலைப் புலிகளின் வசம் இறுதி வரை இருந்த முள்ளி வாய்க்கால், புதுக்குடியிருப்பு ஆகிய பகுதிகளைச் சேர்ந்தவர்கள் என, அதிகாரிகள் தெரிவித்தனர்.

உங்களைத் தொழவைக்கும் முன் நீங்கள் தொழுது கொள்ளுங்கள்.

*சம்ஸ்: வி.ஐ.பி; பதிவுகள்:- : 69213
மதிப்பீடுகள் : 2977