கூடாதவைகள்!

தொழும் போது கிப்லாவை முன்னோக்கி உமிழக்கூடாது

o தொழுகையில் இரு தொடைகளின் இடுக்கில் கைகளை வைக்கக் கூடாது

o அடுத்தவர் இடத்தில் அமரக்கூடாது

o இடுப்பில் கைவைத்து தொழக்கூடாது

o பட்டாடை அனைத்தும் ஆண்களுக்கு தடை

o பலன் உறுதிப்படுவதற்கு முன்னர் பழங்களை விற்கக்கூடாது

o தொடர் நோன்பிற்கு தடை

o வெள்ளிக்கிழமை மட்டும் நோன்பு நோற்கக்கூடாது

o மர்ம உறுப்பு வெளியில் தெரியுமாறு ஆடை அணியக்கூடாது



o தொழும் போது கிப்லாவை முன்னோக்கி உமிழக்கூடாது

414
عَنْ أَبِي
سَعِيدٍ أَنَّ النَّبِيَّ صَلَّى اللَّهُ عَلَيْهِ وَسَلَّمَ أَبْصَرَ
نُخَامَةً فِي قِبْلَةِ الْمَسْجِدِ فَحَكَّهَا بِحَصَاةٍ ثُمَّ نَهَى أَنْ
يَبْزُقَ الرَّجُلُ بَيْنَ يَدَيْهِ أَوْ عَنْ يَمِينِهِ وَلَكِنْ عَنْ
يَسَارِهِ أَوْ تَحْتَ قَدَمِهِ الْيُسْرَى رواه البخاري


நபி ஸல்லல்லாஹு அலைஹி வஸல்லம் அவர்கள் கூறினார்கள்:
உங்களில் ஒருவர் தொழுகைக்காக நிற்கும்போது தமக்கு முன்புறம் உமிழ வேண்டாம்.
ஏனெனில் அவர் தொழுகையில் இருக்கும் வரை அவர் அல்லாஹ்விடமே அந்தரங்கமாக
உரையாடிக் கொண்டிருக்கிறார். (அதே போல்) அவர் தம் வலப் புறமாகவும் உமிழ
வேண்டாம். ஏனெனில், அவரது வலப் புறத்தில் வானவர் ஒருவர் இருக்கிறார். (உமிழ
வேண்டிய கட்டாயம் நேர்ந்தால்) தமது இடப் புறமோ அல்லது பாதத்திற்கு கீழேயோ
உமிழ்ந்துவிட்டு அதை மண்ணுக்குள் புதைக்கட்டும். (அறிவிப்பவர்: அபூஹுரைரா
ரளியல்லாஹு அன்ஹு, நூல்கள்: புகாரி 416, 414, 409, 411, முஸ்லிம் 955)

தொழுகையில் இரு தொடைகளின் இடுக்கில் கைகளை வைக்கக் கூடாது

790
قَالَ
سَمِعْتُ مُصْعَبَ بْنَ سَعْدٍ يَقُولُ صَلَّيْتُ إِلَى جَنْبِ أَبِي
فَطَبَّقْتُ بَيْنَ كَفَّيَّ ثُمَّ وَضَعْتُهُمَا بَيْنَ فَخِذَيَّ
فَنَهَانِي أَبِي وَقَالَ كُنَّا نَفْعَلُهُ فَنُهِينَا عَنْهُ وَأُمِرْنَا
أَنْ نَضَعَ أَيْدِينَا عَلَى الرُّكَبِ رواه البخاري

நான் என் தந்தை (ஸஅத் பின் அபீவக்காஸ் ரளியல்லாஹு அன்ஹு
அருகில் நின்று தொழுதேன். அப்போது (ருகூவில்) என் இரு கைகளையும் கோர்த்து
என் இரு தொடைகளின் இடுக்கில் வைத்துக்கொண்டேன். அவ்வாறு செய்ய வேண்டாமென
என்னை அவர்கள் தடுத்துவிட்டு, நாங்கள் இவ்வாறு செய்து கொண்டிருந்தோம்.
பின்னர் அவ்வாறு செய்யக்கூடாதென நாங்கள் தடுக்கப்பட்டு, எங்கள் கைகளை
முழங்கால்கள் மீது வைக்குமாறு உத்தரவிடப்பட்டோம்'' என்று கூறினார்கள்.
(அறிவிப்பவர் : முஸ்அப் பின் ஸஅத், நூல்கள்: புகாரி 790, முஸ்லிம் 931)

o அடுத்தவர் இடத்தில் அமரக்கூடாது

6270
عَنْ ابْنِ
عُمَرَ عَنْ النَّبِيِّ صَلَّى اللَّهُ عَلَيْهِ وَسَلَّمَ أَنَّهُ نَهَى
أَنْ يُقَامَ الرَّجُلُ مِنْ مَجْلِسِهِ وَيَجْلِسَ فِيهِ آخَرُ وَلَكِنْ
تَفَسَّحُوا وَتَوَسَّعُوا رواه البخاري

ஒரு மனிதர், அவர் அமர்ந்திருக்கும் இடத்திலிருந்து
எழுப்பிவிடப்பட்டு, அந்த இடத்தில் மற்றொருவர் அமர்வதை நபி ஸல்லல்லாஹு அலைஹி
வஸல்லம் அவர்கள் தடை செய்தார்கள். இதற்கு மாறாக, "நகர்ந்து உட்கார்ந்து
மற்றவர்களுக்கும் இடம் கொடுங்கள்'' என்று கூறினார்கள். (அறிவிப்பவர் :
இப்னு உமர் ரளியல்லாஹு அன்ஹு, நூல்கள்: புகாரி 6270, 6269, 911, முஸ்லிம்
4391)

இடுப்பில் கைவைத்து தொழக்கூடாது

1220
حَدَّثَنَا
عَمْرُو بْنُ عَلِيٍّ حَدَّثَنَا يَحْيَى حَدَّثَنَا هِشَامٌ حَدَّثَنَا
مُحَمَّدٌ عَنْ أَبِي هُرَيْرَةَ رَضِيَ اللَّهُ عَنْهُ قَالَ نَهَى
النَّبِيُّ صَلَّى اللَّهُ عَلَيْهِ وَسَلَّمَ أَنْ يُصَلِّيَ الرَّجُلُ
مُخْتَصِرًا رواه البخاري

ஒரு மனிதர் இடுப்பில் கை வைத்துக் கொண்டு தொழுவதை நபி
ஸல்லல்லாஹு அலைஹி வஸல்லம் அவர்கள் தடைசெய்தார்கள். (அறிவிப்பவர் :
அபூஹுரைரா ரளியல்லாஹு அன்ஹு, நூல்கள்: புகாரி 1220, 1219, முஸ்லிம் 948)

o பட்டாடை அனைத்தும் ஆண்களுக்கு தடை

1239 عَنْ
الْبَرَاءِ بْنِ عَازِبٍ رَضِيَ اللَّهُ عَنْهُ قَالَ أَمَرَنَا
النَّبِيُّ صَلَّى اللَّهُ عَلَيْهِ وَسَلَّمَ بِسَبْعٍ وَنَهَانَا عَنْ
سَبْعٍ

وَنَهَانَا عَنْ آنِيَةِ الْفِضَّةِ وَخَاتَمِ الذَّهَبِ وَالْحَرِيرِ وَالدِّيبَاجِ وَالْقَسِّيِّ وَالْإِسْتَبْرَقِ رواه البخاري



நபி ஸல்லல்லாஹு அலைஹி வஸல்லம் அவர்கள் எங்களுக்கு ஏழு
விஷயங்களை (ச்செய்யும்படி) கட்டளையிட்டு, ஏழு விஷயங்களை தடை செய்தார்கள். .
. . வெள்ளிப் பாத்திரங்களைப் பயன்படுத்துவதிலிருந்தும், (ஆண்கள்) தங்க
மோதிரம் அணிவதிலிருந்தும் (கலப்படமில்லாத) பட்டு, அலங்காரப் பட்டு, கஸ்
எனும் பட்டு கலந்த (எகிப்திய) பஞ்சாடை, தடித்த பட்டு ஆகியவற்றை
அணிவதிலிருந்தும் எங்களை தடைசெய்தார்கள். (அறிவிப்பவர் : பரா பின் ஆஸிப்
ரளியல்லாஹு அன்ஹு, நூல்கள்: புகாரி 1239, 5175, 5235, 5650 ,5863, முஸ்லிம்
4194)

பலன் உறுதிப்படுவதற்கு முன்னர் பழங்களை விற்கக்கூடாது

1486
عن ابْنِ
عُمَرَ رَضِيَ اللَّهُ عَنْهُمَا نَهَى النَّبِيُّ صَلَّى اللَّهُ عَلَيْهِ
وَسَلَّمَ عَنْ بَيْعِ الثَّمَرَةِ حَتَّى يَبْدُوَ صَلَاحُهَا وَكَانَ
إِذَا سُئِلَ عَنْ صَلَاحِهَا قَالَ حَتَّى تَذْهَبَ عَاهَتُهُ رواه
البخاري

நபி ஸல்லல்லாஹு அலைஹி வஸல்லம் அவர்கள் பலன் உறுதிப்படுவதற்கு
முன்னால் பழங்களை விற்பதைத் தடுத்துள்ளார்கள். அவர்களிடத்தில் "பலன்
உறுதிப்படுவது என்றால் என்ன என்று கேட்கப்பட்டது.' (அப்பழங்கள்) பாழாகும்
நிலையைக் கடந்துவிடுவதே!'' என்று நபி ஸல்லல்லாஹு அலைஹி வஸல்லம் அவர்கள்
பதிலளித்தார்கள். (அறிவிப்பவர்: இப்னு உமர் ரளியல்லாஹு அன்ஹு, நூல்: புகாரி
1486, 2184, 2194, முஸ்லிம் 3078)

o தொடர் நோன்பிற்கு தடை

1922
عَنْ
عَبْدِ اللَّهِ رَضِيَ اللَّهُ عَنْهُ أَنَّ النَّبِيَّ صَلَّى اللَّهُ
عَلَيْهِ وَسَلَّمَ وَاصَلَ فَوَاصَلَ النَّاسُ فَشَقَّ عَلَيْهِمْ
فَنَهَاهُمْ قَالُوا إِنَّكَ تُوَاصِلُ قَالَ لَسْتُ كَهَيْئَتِكُمْ إِنِّي
أَظَلُّ أُطْعَمُ وَأُسْقَى رواه البخاري

நபி ஸல்லல்லாஹு அலைஹி வஸல்லம் அவர்கள் (நோன்பு துறக்காமல்) தொடர்நோன்பு நோற்றார்கள்;


மக்களும் அவ்வாறு தொடர் நோன்பு நோற்றார்கள். இது
மக்களுக்குச் சிரமமாக இருந்தது. அப்போது நபி ஸல்லல்லாஹு அலைஹி வஸல்லம்
அவர்கள், மக்கள் தொடர் நோன்பு நோற்கத் தடை விதித்தார்கள். நபித்தோழர்கள்,
"நீங்கள் (மட்டும்) தொடர் நோன்பு நோற்கிறீர்களே!'' என்று கேட்டார்கள். நபி
ஸல்லல்லாஹு அலைஹி வஸல்லம் அவர்கள், "நான் உங்களைப் போன்றவன் அல்லன்;
(இறைவன் தரப்பிலிருந்து) உண்ணவும் பருகவும் எனக்கு வழங்கப்படுகிறது!''
என்று பதிலளித்தார்கள். (அறிவிப்பவர் : இப்னு உமர் ரளியல்லாஹு அன்ஹு,
நூல்கள் : புகாரி 1922, 1962, முஸ்லிம் 2010)


o வெள்ளிக்கிழமை மட்டும் நோன்பு நோற்கக்கூடாது

1985
عَنْ أَبِي
هُرَيْرَةَ رَضِيَ اللَّهُ عَنْهُ قَالَ سَمِعْتُ النَّبِيَّ صَلَّى
اللَّهُ عَلَيْهِ وَسَلَّمَ يَقُولُ لَا يَصُومَنَّ أَحَدُكُمْ يَوْمَ
الْجُمُعَةِ إِلَّا يَوْمًا قَبْلَهُ أَوْ بَعْدَهُ رواه البخاري


உங்களில் எவரும் வெள்ளிக் கிழமைக்கு முன் ஒரு நாளைச்
சேர்க்காமல் அல்லது அதற்குப் பின் ஒரு நாளைச் சேர்க்காமல் நோன்பு நோற்க
வேண்டாம்! என்று நபி ஸல்லல்லாஹு அலைஹி வஸல்லம் அவர்கள் கூறினார்கள்.
(அறிவிப்பவர்: அபூஹுரைரா ரளியல்லாஹு அன்ஹு, நூல்கள்: புகாரி 1985, முஸ்லிம்
2102)


o மர்ம உறுப்பு வெளியில் தெரியுமாறு ஆடை அணியக்கூடாது

5822
عَنْ أَبِي
سَعِيدٍ الْخُدْرِيِّ رَضِيَ اللَّهُ عَنْهُ أَنَّ النَّبِيَّ صَلَّى
اللَّهُ عَلَيْهِ وَسَلَّمَ نَهَى عَنْ اشْتِمَالِ الصَّمَّاءِ وَأَنْ
يَحْتَبِيَ الرَّجُلُ فِي ثَوْبٍ وَاحِدٍ لَيْسَ عَلَى فَرْجِهِ مِنْهُ
شَيْءٌ رواه البخاري

ஒரே துணியை உடலில் சுற்றிக்கொண்டு, அதன் ஒரு மூலையை ஒரு
தோளில் போட்டுக்கொண்டு, மற்றொரு தோள் பகுதியைத் திறந்தவாறு
விட்டுவிடுவதையும் (இஷ்திமாலுஸ் ஸம்மாஉ), ஒரே துணியால் (தம் முதுகையும்
முழங்கால்களையும்) போர்த்திக்கொண்டு மர்ம உறுப்பு வெளியே தெரியுமாறு
(குத்துக்காலிட்டு) அமர்வதையும் (இஹ்திபா) நபி ஸல்லல்லாஹு அலைஹி வஸல்லம்
அவர்கள் தடை செய்தார்கள். (அறிவிப்பவர்: அபூஸயீத் அல்குத்ரீ ரளியல்லாஹு
அன்ஹு, நூல்கள் : புகாரி (5822, 367, 368), முஸ்லிம் (4261)

جَزَاكَ اللَّهُ خَيْرًا (மே 2011 தீன்குலப்பெண்மணி)

##* ://:-: :”@: :flower:

அவசியம் தொரிந்திருக்க வேண்டியவைதான்
மிக்க நன்றி

அருமையான தகவல்கள் நன்றி பகிர்வுக்கு

ஒவ்வொரு விடையமும் அதற்க்கான ஆதாரமு வழங்கியிருக்கும் நண்பனுக்கு வாழ்த்துக்கள்.

ஒவ்வொரு விடயங்களையும் பகிர்ந்து விரிவான விளக்கத்தையும் அறிந்து கொள்ள பகிர்ந்தமைக்கு நன்றி தோழரே!

மிக்க நன்றி நண்பன் அவசியமான பதிவு