பிரபல இந்து கோவிலில் மிருக பலியை தடுத்த மேர்வின் சில்வா!

புத்தளம் மாவட்டத்தின் சிலாபம் முன்னேஸ்வரம் பத்திரகாளியம்மன்

கோவிலில், இடம்பெறவிருந்த மிருக பலிப்பூஜையை மக்கள் தொடர்பு துறை அமைச்சர் மேர்வின் சில்வா தடுத்து நிறுத்தியுள்ளார்.

முன்னேஸ்வரம் பத்திரகாளியம்மன் கோவில் வருடாந்திர உற்சவத்தின் போது பத்திரகாளியம்மனுக்கு நூற்றுக்கணக்கான ஆடுகள், கோழிகள் பலிகொடுப்பது ஊர் மக்களின் வழக்கமாகும். தமிழ் மக்கள் மாத்திரமல்லாது, சிங்கள மக்களுக்கும் பெருமளவில் இச்சடங்கு மீது நம்பிக்கை கொண்டிருப்பதுடன், ஆடு கோழி போன்ற மிருகங்களை பலிகொடுத்து வருகின்றனர்.

எனினும் அண்மைக்காலமாக இதற்கு சமூக ஆர்வலர்களும், கால்நடை பாதுகாவலர்களும் எதிர்ப்பு தெரிவித்து வருகின்றனர்.
இந்த ஆண்டு நடைபெறவுள்ள மிருகபலி வேள்வியை தடுத்து நிறுத்துமாறு நீதிமன்றில் பொதுநல மனுவொன்றும் தாக்கல் செய்யப்பட்டது.

கடந்த திங்கட்கிழமை, சிலாபம் நீதிமன்றில் இம்மனு பரிசீலிக்கப்பட்டு பலிகொடுப்பதற்கு தடை உத்தரவு வழங்கப்பட்டிருந்தஹ்து.

இந்நிலையில் கோவிலுக்கு தனது ஆதரவாளர்களோடு வந்த அமைச்சர் மேர்வின் சில்வா, அங்கு பலிகொடுக்கப்படுவதற்காக கொண்டு வரப்பட்டிருந்த மிருகங்களை வாகனங்களில் ஏற்றி சென்று சிலாபம் பொலிஸ் நிலையத்தில் ஒப்படைத்துள்ளார். நானும் பத்திரகாளி தெய்த்தை வணங்குகிறேன். ஆனால் உயிர்களை பலிகொடுப்பதென்பது தேவையானதல்ல. இவ்விலங்குகளின் உரிமையாளர்கள் எப்படி இந்த காரியங்களுக்கு அனுமதி அளித்தனர்?, இலங்கையின் பெயருக்கும் இச்சடங்கு களங்கம் விளைவிக்கிறது என அவர் தெரிவித்தார்.

மேலும் ஆலயத்தில் நடைபெறும் பூஜை நடவடிக்கைகளுக்கு தாம் எந்தவித இடையூறும் செய்யவில்லை எனவும் மிருகங்களை பலிகொடுப்பதற்கு மாத்திரமே தான் எதிர்ப்பு தெரிவித்ததாகவும், அமைச்சர் மேர்வின் சில்வா கூறியுள்ளார்.

இதேவேளை கடந்த வருடம் சுமார் 300க்கு மேலான கால் நடைகள் பலிகொடுக்கப்பட்டதாகவும், இந்த வருடம் 700 க்கு மேற்பட்ட கால்நடைகள் பலிகொடுக்கவிருந்ததாகவும், உடனடியாக இதை விலங்குகள் நல மையத்தின் கவனத்திற்கு கொண்டுவந்ததாகவும் அவர் தெரிவித்துள்ளார்.

இதற்கு என்ன சொல்வதென்றே தெரிய வில்லை காலா காலமாக செய்து வரும் வணக்க வழிபாடு :silent:இறுதியில் எங்கு போய் முடியுமோ தெரியாது.

இது தேவை இல்லாத விளம்பரம் அமைச்சர் மக்களின் தார்மீக உரிமையை மதித்து நடக்க வேண்டும்

jasmin wrote:இது தேவை இல்லாத விளம்பரம் அமைச்சர் மக்களின் தார்மீக உரிமையை மதித்து நடக்க வேண்டும்

சரியாச் சொன்னிங்க விளம்பரத்திற்காக இவர் செய்திருப்பார்

ஒரு மதத்தில் ,வழிபாடுகளில் ,யாருக்கும் தலையிட உரிமையில்லை .

அமைச்சருக்கு என்ன ஒரு ரத்த பாசம் பார்த்திங்களா..?
தன் இனம் அழியிறத விரும்பாம நிறுத்த சொல்லிருக்கிறாரு..

ஆமா ஏன் என்றால் ஆடு கத்தும் போது மே........... மே............மே.........
என்னும் சத்தம் இவரை அழைப்பது போன்று கேட்க்குதாம்
இவரின் பெயரும் மே....ர்வின் சில்வாதானே
இவனுக்கு