இந்தந்த பாடல்கள் இதிலிருந்து சுடப்பட்டவைதானே

by **நேசமுடன் ஹாசிம்** Tue 20 Sep 2011 - 14:39

இளம் இசையமைப்பாளர்களில் வேகமாக வளர்ந்து வரும் ஜி.வி.பிரகாஷூக்கு பிரபல டைரக்டர்கள்
2 பேர் குட் பை சொல்லி விட்டார்களாம். தற்போது படப்பிடிப்பு நடைபெற்று வரும் "மயக்கம் என்ன?" படத்தோடு ஜி.வி.பிரகாஷின் உறவை முறித்துக் கொள்ளும் முடிவில் இருக்கிறாராம் செல்வராகவன். அடுத்து ஆர்யா - அனுஷ்கா நடிக்கும் படத்தின் இசையமைப்பாளராக ஹாரிஸ் ஜெயராஜை புக் பண்ணியிருக்கிறாராம் அவர். செல்வராகவனைப் போலவே தெய்வத்திருமகள் விஜய்யும் தன் அடுத்த படத்திற்கு ஹாரிஸ் ஜெயராஜைதான் நாடியிருக்கிறார்.

"ஆடுகளம்", "தெய்வத்திருமகள்" ஆகிய படங்களில் இடம்பெற்ற பாடல்கள் அப்பட்டமான காப்பி என்பதை இணையதள பயன்பாட்டாளர்கள் வெளிச்சம் போட்டு காட்டிவிட்டார்கள். பத்திரிகையாளர் சந்திப்பின்போது இசையமைப்பாளர் பிரகாஷிடம், இந்தந்த பாடல்கள் இதிலிருந்து சுடப்பட்டவைதானே? என்ற கேள்வி எழுப்பப்பட்டது. அதற்கு பதில் அளித்த அவர், நான் சொந்தமாக ட்யூன் போட தயாராதான் இருந்தேன். ஆனால் விஜய்யும், வெற்றிமாறனும்தான் இந்த பாட்டு வேணும்னு வந்து கேட்டாங்க. அதை அப்படியே போட்டுக் கொடுத்தேன், என்று கூறியிருந்தார்.

ஜி.வி. பிரகாஷின் இந்த பேட்டிதான் இப்படியொரு முடிவை எடுக்க செல்வராகவனையும், விஜய்யையும் தூண்டியதோ என்னவோ?