போலீஸ் தடியடியில் பலியான ராஜ்பாலா இறுதிச் சடங்கில் சுஷ்மாசுவராஜ் பங்கேற்பு

ஊழலுக்கு எதிராக பாபா ராம்தேவ் கடந்த ஜூன் மாதம் 4-ந் தேதி டெல்லி
ராம்லீலா மைதானத்தில் உண்ணா விரதம் தொடங்கினார். அதற்கு டெல்லி போலீசார்
அனுமதி மறுத்தனர். இரவோடு இரவாக ராம்தேவை கைது செய்து அப்புறப்படுத்தினர்.

அப்போது
ராம்தேவ் ஆதரவாளர்கள் மீது போலீசார் தடியடி நடத்தினர். இதில் பலர்காயம்
அடைந்து ஆஸ்பத்திரியில் அனுமதிக்கப்பட்டனர். ராஜ்பாலா என்ற பெண் தவிர
மற்றவர்கள் சிகிச்சை முடிந்து வீடு திரும்பினார்கள். ராஜ்பாலா உடல்நிலை
மோசமாக இருந்ததால் டெல்லி ஜி.பி.பந்த் ஆஸ்பத்திரியில் அனுமதிக்கப்பட்டு
இருந்தார்.

அவசர சிகிச்சை பிரிவில் இருந்த அவருக்கு
செயற்கை சுவாசம் அளிக்கப்பட்டது. மருத்துவ உபகரணங்கள் உதவியுடன் சிகிச்சை
அளிக்கப்பட்டது. 15 வாரங்கள் தீவிர சிகிச்சை அளித்தும் பலன்இல்லாமல்
ராஜ்பாலா நேற்று மாலை ஆஸ்பத்திரியில் மரணம் அடைந்தார். ராஜ்பாலா அரியானா
மாநிலம் குர்கானைச் சேர்ந்தவர்.

இங்கு இறுதி சடங்கு
நடக்கிறது. இந்த நிகழ்ச்சியில் பாராளுமன்ற எதிர்க்கட்சி தலைவரும் பாரதிய
ஜனதா மூத்த தலைவருமான சுஷ்மாசுவராஜ் கலந்து கொள்கிறார். இந்த தகவலை அவரே
தெரிவித்தார். அவர் மேலும் கூறியதாவது:-

ராம்தேவ்
உண்ணாவிரதம் இருந்தபோது ராம்லீலா மைதானத்தில் போலீசார் சிறிய தடியடிகூட
நடத்த வில்லை என்றும் யாரும் காயம் அடைய வில்லை என்றும் மத்திய மந்திரி
கபில்சிபல் கூறியிருந்தார். இப்போது தடியடியில் காயம் அடைந்து சிகிச்சை
பெற்ற ராஜ்பாலா இறந்திருக்கிறார். இதற்கு கபில்சிபல் என்ன சொல்லப்போகிறார்.


அவர் எப்படி இறந்தார் என்று கபில்சிபல் நாட்டு
மக்களுக்கு விளக்கம் அளிக்க வேண்டும். தடியடி நடத்திய டெல்லி போலீசார்
மீது கொலை வழக்கு பதிவு செய்ய வேண்டும். தவறு செய்த போலீசாரை தண்டிக்க
வேண்டும்.

இவ்வாறு சுஷ்மா சுவராஜ் கூறினார்

மாலை மலர்

ராம்தேவ்
உண்ணாவிரதம் இருந்தபோது ராம்லீலா மைதானத்தில் போலீசார் சிறிய தடியடிகூட
நடத்த வில்லை என்றும் யாரும் காயம் அடைய வில்லை என்றும் மத்திய மந்திரி
கபில்சிபல் கூறியிருந்தார். இப்போது தடியடியில் காயம் அடைந்து சிகிச்சை
பெற்ற ராஜ்பாலா இறந்திருக்கிறார். இதற்கு கபில்சிபல் என்ன சொல்லப்போகிறார்.


அவர் எப்படி இறந்தார் என்று கபில்சிபல் நாட்டு
மக்களுக்கு விளக்கம் அளிக்க வேண்டும். தடியடி நடத்திய டெல்லி போலீசார்
மீது கொலை வழக்கு பதிவு செய்ய வேண்டும். தவறு செய்த போலீசாரை தண்டிக்க
வேண்டும்.

இவ்வாறு சுஷ்மா சுவராஜ் கூறினார்

அம்மணி இதுக்கு மட்டும் சொல்வது அரசியால் ,ஏனோ
நேற்று குஜராத்தில் ,உங்கள் ஆட்சியில் நடந்த கொலை கற்பழிப்பு
தெரியவில்லை இவரியின் பார்வைக்கு ?