இஸ்ரேல் சிறையில் இருக்கும் 477 பலஸ்தீனியர்கள் நாளை விடுதலை

by **நண்பன்** Mon 17 Oct 2011 - 11:28

இஸ்ரேல் சிறையில் இருக்கும்
477 பலஸ்தீனியர்கள் நாளை விடுதலை

இஸ்ரேல் சிறையில் இருக்கும் 477 பலஸ்தீனியர்கள் நாளை விடுதலை W1110174

இஸ்ரேல் இராணுவ வீரர் கிலாட் ஷலித்தை மீட்பதற்காக முதற்கட்டமாக விடுதலை
செய்யப்படவுள்ள 477 பலஸ்தீன கைதிகளின் விபரத்தை இஸ்ரேல் அரசு வெளியிட்டுள்ளது.
பலஸ்தீன ஹமாஸ் அமைப்பினால் கடந்த 2006 ஆண்டு கைது செய்யப்பட்ட இஸ்ரேல் வீரர்
ஷலித்தை விடுவிப்பதற்கு இரு தரப்பும் கைதிகள் பரிமாற்ற ஒப்பந்தத்தில்
கைச்சாத்திட்டன. இதன்படி இஸ்ரேல் இராணுவ வீரரை விடுவிக்க 1,027 பலஸ்தீன கைதிகள்
விடுதலை செய்வதற்கு இஸ்ரேல் ஒப்புக் கொண்டுள்ளது.
இதற்கமைய முதல் கட்டமாக 477 பலஸ்தீன கைதிகள் விடுதலை செய்யப்படவுள்ளனர். இவ்வாறு
விடுதலையாகும் கைதிகள் விபத்தை இஸ்ரேல் அரசு நேற்று வெளியிட்டது. இதில் தற்கொலை
தாக்குதல் சந்தேக நபர்களான பலரது பெயரும் இடம் பிடித்துள்ளன. குறிப்பாக கடந்த 2002
ஆம் ஆண்டு 30 பேரை காவு கொண்ட நெடன்யா ஹோட்டல் குண்டு தாக்குதலில் சந்தேகத்தில்
கைதான நாஸர் இட்டைமா, அதே ஆண்டு ஜரூசலத்தில் நடந்த குண்டு தாக்குதல் சந்தேகத்தில்
கைதான லலித் அன்ஜஸ் ஆகியோரும் விடுதலையாகும் கைதிகள் விபரத்தில் உள்ளடக்கப்பட்டுள்ளனர்.
இது மட்டுமல்லாது, இஸ்ரேல் நீதி மன்றத்தால் ஆயுள் தண்டனை விதிக்கப்பட்ட ஹமாஸ்
அமைப்பின் முக்கிய தலைவர் யெஹிய சன்வரும் விடுதலை பெறவுள்ளதாக ஹமாஸ்
அறிவித்துள்ளது.
இஸ்ரேல் முதற் கட்டமாக நாளை 450 பலஸ்தீன கைதிகளை விடுவிக்கவுள்ளது. இதனைத்
தொடர்ந்து 25 வயதான இஸ்ரேல் இராணுவ வீரரை ஹமாஸ் அமைப்பு விடுவித்ததும் எஞ்சிய 550
கைதிகளையும் விடுவிக்க இஸ்ரேல் ஒப்புக் கொண்டுள்ளது. இதற்கமைய ஹமாஸ் அமைப்பு
இஸ்ரேல் வீரர் ஷலித்தை எகிப்திடம் கையளிக்கவுள்ளது. தொடர்ந்து எகிப்து மேற்படி
வீரரை இஸ்ரேலிடம் கையளிக்கவுள்ளது.