மரணத்தில் சர்ச்சை; கடாபியின் உடல் அடக்கம் தாமதம்

by *சம்ஸ் Sun 23 Oct 2011 - 6:26

மரணத்தில் சர்ச்சை; கடாபியின் உடல் அடக்கம் தாமதம்
கொல்லப்பட்ட லிபிய முன்னாள் தலைவர் முஅம்மர் கடாபியின் உடலை அடக்கம் செய்வதில் தாமதம் ஏற் பட்டுள்ளது. கடாபியின் மரணம் குறித்து சர்ச்சை ஏற்பட்டதைத் தொடர்ந்து அவரது உடல் பிரேத அறையில் பாதுகாப்பாக வைக்கப்பட்டதாக இடைக்கால அரசு குறிப்பிட்டுள்ளது.

முஅம்மர் கடாபியின் மரணம் குறித்து ஐ.நா. மனித உரிமை அமைப்பு சந்தேகம் வெளி யிட்டுள்ளது. அவர் சிர்த் நகரில் கைப்பற்றப்பட்ட போது உயிருடன் இருந்தது வீடியோ ஆதாரங்கள் மூலம் தெரிய வந்துள்ளது. கிளர்ச்சியாளர்களிடம் அகப்பட்ட கடாபியை துன்புறுத்துவது அந்த வீடியோவில் பதிவாகி உள்ளது. கிளர்ச்சிப் படை வீரர் ஒருவர் அவரது தலையை பிடித்து இழுத்துச் செல்வது மற்றும் மேலும் பலர் அவரை துன்புறுத்து வது வீடியோவில் பதிவாகியுள்ளது.

மற்றுமொரு வீடியோவில் அவர் இறந்துள்ள உடல் பதிவாகியுள்ளது. எனினும் கடாபி மரணமடைந்தது எவ் வாறு என்பது குறித்து எந்த வீடியோவிலும் பதிவாகவில்லை. எனவே, அவரது மர ணம் குறித்து விசாரணை நடத்த இடைக் கால அரசு தீர்மானித்துள்ளது. இதற்காக மிஸ்ரட்டா நகரில் அவரது உடல் பாது காப்பாக பிரேத அறையில் வைக்கப்பட் டுள்ளதாக இடைக்கால அரசு குறிப் பிட்டுள்ளது.

இந்நிலையில் ஐ.நா. மனித உரிமை அலுவலகமும் கடாபியின் மரணம் குறித்து விசாரணை நடத்தும்படி குறிப் பிட்டுள்ளது. இந்நிலையில் மூன்றாம் தரப்பு கடாபியின் மரணம் குறித்து விசாரணை நடத்தி ஆவணம் தயாரிக்கப்படும் வரை அவரது உடல் அடக்கம் செய்யப்பட மாட்டாது என இடைக்கால அரசின் சிரேஷ்ட உறுப்பினர் மொஹமட் செய்யா அல்ஜkரா செய்திச் சேவைக்கு கூறியுள்ளார். எனினும் கடாபியின் உடல் மரியாதையுடன் இஸ்லாமிய முறைப்படி அடக்கம் செய்யப்படும் என அவர் குறிப்பிட்டார்.