இங்கிலாந்து தொடரில் இளம்வீரர்கள் அபாரமாக ஆடுகிறார்கள்: கேப்டன் டோனி பேட்டி

இந்தியா - இங்கிலாந்து அணிகள் மோதும் 5-வது மற்றும் கடைசி ஒருநாள்
கிரிக்கெட் போட்டி கொல்கத்தா ஈடன் கார்டன் மைதானத்தில் இன்று
(செவ்வாய்க்கிழமை) நடக்கிறது.

இதுவரை நடந்த 4
போட்டியிலும் இந்தியா வெற்றி பெற்றது. 5-வது போட்டியிலும் இந்தியா வெற்றி
பெற்று 5-0 என்ற கணக்கில் தொடரை கைப்பற்றுமா? என்று அனை வரும் ஆவலுடன்
எதிர்பார்க்கின்றனர். அதே நேரத்தில் இங்கிலாந்து அணி ஆறுதல் வெற்றி பெற
கடுமையாக போராடும்.

இந்தப் போட்டி குறித்து இந்திய அணி கேப்டன் டோனி கூறியதாவது:-

விளையாட்டை
பொறுத்தவரை வெற்றி -தோல்வி என்பது சகஜமானது. மிகவும் சிறப்பாக
விளையாடினால் வெற்றி பெறலாம். இங்கிலாந்தில் நாங்கள் சிறப்பாக ஆடவில்லை.
இதனால் தோல்வி அடைந்தோம். இதனால் தற்போது நடைபெற்று கொண்டிருக்கும் தொடர்
பழிவாங்கும் தொடர் அல்ல. இதனால் இங்கிலாந்தை பழிவாங்கினோம் என்று
அழைக்கவேண்டாம்.

விளையாட்டை விளையாட்டாக பார்க்க
வேண்டும். பழிவாங்குதல் என்ற வார்த்தை மிகவும் பலமானது. எங்களை பொறுத்தவரை
இங்கிலாந்தில் தோற்றதால் கடும் நெருக்கடி இருந்தது. இந்த நெருக்கடியில்
நாங்கள் சிறப்பாக ஆடி உள்ளோம். இந்த தொடரில் சீனியர் வீரர்கள் ஆடவில்லை
என்றாலும் இளம்வீரர்கள் அபாரமாக விளையாடினார்கள்.

இளம்வீரர்கள் இந்த தொடர் மூலம் நல்ல அனுபவங்களை பெற்று இருப்பார் கள். இவ்வாறு டோனி கூறியுள்ளார்.