இஸ்லாம் முஸ்லிம்களுக்கு மட்டும் சொந்தமல்ல - சவுதி மன்னர்

முஸ்லிம் வேல்ட் லீக்' என்ற அமைப்பின் சார்பில் மூன்று நாட்கள் மெக்காவில் நடைபெற்ற கூட்டத்தில் மன்னர் அப்துல்லா உலக மக்களுக்கு விடுத்த செய்தி:



'இஸ்லாம் என்பது ஒரு குறிப்பிட்ட இனத்தாருக்கோ ஒரு குறிப்பிட்ட மொழியினருக்கோ உரியதன்று. இது முழு உலக மனித குலத்துக்கும் சொந்தமானது. இஸ்லாம் ஒரு அமைதி மார்க்கம். ஒரு ஆணும் ஒரு பெண்ணும் இந்த உலகில் எப்படி வாழ வேண்டும் என்ற அழகிய வழிமுறையை நமக்கு கற்றுக் கொடுக்கிறது இஸ்லாம். வாழ்வின் ஏற்றத் தாழ்வுகளை எவ்வாறு சரி செய்து கொள்வது என்பதற்கும் இங்கு வழி இருக்கிறது. தற்போது உலக மக்கள் அனுபவிக்கும் குழப்பமான பல நிலைகளுக்கு தீர்வை இஸ்லாம் வழங்குகிறது.

முஸ்லிம்கள் நாம் நம்முடைய அழைப்புப் பணியை புதிய அணுகு முறையில் கொண்டு செல்ல வேண்டும். கணிணி யுகத்துக்கு தக்கவாறு நமது அழைப்புப் பணியை மேம்படுத்திக் கொள்ள வேண்டும். அழைப்புப் பணியில் ஈடுபடுவோர் இன்றைய முன்னேறிய உலகுக்கு தக்கவாறு இஸ்லாம் வழங்கும் தீர்வுகளை மாற்றாருக்கு தெளிவாக்க வேண்டும். அறிவியல் முன்னேற்றத்தில் தற்போது புழக்கத்தில் இருக்கும் தகவல் தொடர்பு சாதனங்களையும் நாம் பயன்படுத்திக் கொள்ள வேண்டும்.

இன்றைய கால கட்டத்தில் முஸ்லிம்களைப் பற்றிய தவறான அபிப்ராயம் மாற்றார் மத்தியில் உள்ளது. எனவே முஸ்லிம்கள் குர்ஆன் ஹதீஸ் சொன்னபடி தங்களது வாழ்க்கையை மாற்றி அமைத்துக் கொள்ள வேண்டும். முஸ்லிமகளாகிய நாம் சிறந்த உதாரணமாக இருந்தால்தான் மாற்றார் இஸ்லாத்தை நேசிக்க வழி வகுக்கும்.

சவதி அரேபியா உலகம் முழுவதும் இஸ்லாமிய கலாசார மையங்களை நிறுவி வருகிறது. பல நாடுகளில் பள்ளிவாசல்களையும் கட்டி வருகிறது. மார்க்கத்தை போதிக்க பல கல்விச் சாலைகளையும் நிர்வகித்து வருகிறது. இதை உலக முஸ்லிம்கள் சரிவர பயன்படுத்திக் கொள்ள வேண்டும்.'

இது போதாது இஸ்லாமிய உலகிற்கு

##* :”@:

jasmin wrote:இது போதாது இஸ்லாமிய உலகிற்கு

@. இது போதாது தான்.சவூதி அவர்களுடைய அழைப்பு பணிக்கு அனைத்து நாடுகளையும் அழைக்க வேண்டும்.முக்கியமாக இஸ்லாமிய கொள்கைகளை செயல்படுத்த முனைய வேண்டும்.

இன்றய காலகட்டம் அனைவரும் வாய்ப்பேச்சில் மாத்திரம் இஸ்லாம் வளர்க்கப்பார்க்கிறார்கள் அது நிச்சயமாக முடியாது செயலில் இறங்கி அறிவிலிகளுக்கு அறிவு தரவேண்டும்

மற்றும் உண்மையான கருத்து இஸ்லாம் உலகத்துக்கே சொந்தமான மார்க்கம் அதை ஏற்றவர்களுக்குத்தான் உரிமையானது ஏற்காதவர்கள் இழிவு படுத்துவதை பார்த்துக்கொண்டிருக்க முடியாது நன்றி நல்ல பதிவு

நேசமுடன் ஹாசிம் wrote:இன்றய காலகட்டம் அனைவரும் வாய்ப்பேச்சில் மாத்திரம் இஸ்லாம் வளர்க்கப்பார்க்கிறார்கள் அது நிச்சயமாக முடியாது செயலில் இறங்கி அறிவிலிகளுக்கு அறிவு தரவேண்டும்

மற்றும் உண்மையான கருத்து இஸ்லாம் உலகத்துக்கே சொந்தமான மார்க்கம் அதை ஏற்றவர்களுக்குத்தான் உரிமையானது ஏற்காதவர்கள் இழிவு படுத்துவதை பார்த்துக்கொண்டிருக்க முடியாது நன்றி நல்ல பதிவு

@. @.