2012 இறுதியில் 40 ஆயிரம் வீரர்கள் ஆப்கானை விட்டு வெளியேற்றம்

2012 இறுதியில் 40 ஆயிரம் வீரர்கள் ஆப்கானை விட்டு வெளியேற்றம்
ஆப்கானிஸ்தானில் உள்ள, அமெரிக்கா உள்ளிட்ட நாடுகளின் படை வீரர்கள் 40 ஆயிரம் பேர் அடுத்தாண்டின் இறுதிக்குள் தங்கள் சொந்த நாடு திரும்புவர் என அந்நாடுகள் தெரிவித்துள்ளன.

ஆப்கானிஸ்தானில் பத்தாண்டுகளுக்கு முன், தலிபான்களுக்கு எதிராக ஆரம்பிக்கப்பட்ட போரில், அமெரிக்கா தலைமையில், 49 நாடுகளின் கூட்டணிப் படைகள் ஈடுபட்டுள்ளன. இவற்றில், அமெரிக்கத் தரப்பில் மட்டும் ஒரு இலட்சத்து ஆயிரம் பேர் அங்கு குவிக்கப்பட்டுள்ளனர். அமெரிக்கா தவிர, ஐரோப்பிய யூனியன், அவுஸ்திரேலியா, ஜோர்தான், நியூசிலாந்து என பிற நாடுகளும் கணிசமான அளவில் வீரர்களை அங்கு வைத்துள்ளன.

இந்தாண்டு முதல் ஆப்கானில் உள்ள பிற நாடுகளின் படைகள் படிப்படியாக திரும்பப் பெறப்பட்டு வருகின்றன. மொத்தத்தில் இந்தாண்டின் இறுதியில் மட்டும் 14 ஆயிரம் வீரர்கள் தங்கள் தாயகம் திரும்புகின்றனர். அடுத்தாண்டின் இறுதியில் ஒட்டு மொத்தமாக 40 ஆயிரம் வீரர்கள் தாயகம் செல்கின்றனர். இவர்களில் 33 ஆயிரம் பேர் அமெரிக்க வீரர்கள். பிற நாடுகள் ஆப்கனில் இருந்து தங்கள் படைகளை திரும்பப் பெறுவதில் அவ்வளவு தீவிரம் காட்டவில்லை. ஆப்கான் படைகளுக்கு பயிற்சி அளிப்பதில் அவை ஆர்வம் காட்டி வருகின்றன. எனினும், அன்னியப் படைகள் திரும்பிச் சென்ற பின், ஆப்கானின் நிலைமை என்னவாகும் என பல தரப்பிலும் அச்சம் சூழ்ந்துள்ளது.

வெளியேறும்வரை உங்களால் எதுவும் சாதிக்க முடியாது இறைவனின் தீர்ப்பது