சில்லறை வர்த்தகத்தில் அன்னிய முதலீட்டை எதிர்த்து தமிழகம் முழுவதும் கடைகள் அடைப்பு

by **யாதுமானவள்** Thu 1 Dec 2011 - 7:25

சென்னை: சில்லறை வர்த்தகத்தில் 51 சதவீத நேரடி அன்னிய முதலீட்டை அனுமதிக்கும் மத்திய அரசின் முடிவை எதிர்த்து தமிழகம் முழுவதும் இன்று முழுக் கடையடைப்புப் போராட்டம் தொடங்கியுள்ளது. இதில் பங்கேற்று தமிழகம் முழுவதும் கடைகள் அடைக்கப்பட்டுள்ளன.

இந்தப் போராட்டத்தில் பங்கேற்று, சில்லறை விற்பனையில் ஈடுபட்டுள்ள மளிகைக் கடைகள், காய்கறிக் கடைகள், துணிக் கடைகள் என எந்தவிதமான கடையும் திறக்கப்படவில்லை. 99 சதவீத கடைகள் அடைக்கப்பட்டுள்ளன.

கோயம்பேடு வளாகத்திலும் கடைகள் அனைத்தும் அடைக்கப்பட்டுள்ளன. கிட்டத்தட்ட 25 லட்சத்திற்கும் மேற்பட்ட கடைகள் தமிழகம் முழுவதும் மூடப்பட்டுள்ளன.

வழக்கமாக காலையில் பால், காய்கறிகள் தருவதற்காக மட்டும் கடைகளை சிலர் திறந்து வைப்பார்கள். இந்த முறை அதையும் கூட தராமல் கடைகளை காலை முதலே யாரும் திறக்கவில்லை. இதனால் பொதுமக்கள் பால் கிடைக்காமல் சிரமப்பட நேரிட்டது.

இன்றைய ஒரு நாள் கடையடைப்பால் அரசுக்கு கிட்டத்தட்ட ரூ. 40 லட்சம் அளவுக்கு வரி வருவாய் இழப்பு ஏற்படும் என வணிகர் அமைப்புகள் தெரிவித்துள்ளன.

by **jasmin** Thu 1 Dec 2011 - 11:01

இந்த விஷயத்தில் இவர்கள் சில்லரை தனமாக நடந்துகொள்கிறாரகளோ என்றே நினைக்க தோன்றுகிறது

சில்லறை வர்த்தகத்தில் அன்னிய முதலீட்டை எதிர்த்து தமிழகம் முழுவதும் கடைகள் அடைப்பு

சில்லறை வர்த்தகத்தில் அன்னிய முதலீட்டை எதிர்த்து தமிழகம் முழுவதும் கடைகள் அடைப்பு

Re: சில்லறை வர்த்தகத்தில் அன்னிய முதலீட்டை எதிர்த்து தமிழகம் முழுவதும் கடைகள் அடைப்பு