மகாராஷ்டிராவில் ஒரு புதிய ஊழல் அம்பலம்: 42 இலட்சம் போலி ரேசன் கார்ட் மூலம் முறைகேடு

by *சம்ஸ் Wed 7 Dec 2011 - 6:31

இந்தியாவில் பெரும் புயலை கிளப்பி ஆதர்ஸ் குடியிருப்பு முறைகேடு விவகாரம் எழுந்த மகாராஷ்டிராவில் போலி ரேசன் கார்ட்கள் மூலம் உணவுப் பொருளை கொள்ளையடித்து வெளிச் சந்தையில் விற்ற விவரம் வெளிவந்திருக்கிறது.

காங்கிரஸ் ஆளும் இம்மாநிலத்தில் ஏற்கனவே ஒரு முறைகேடு காரணமாக முதல்வர் பதவியை இழந்தவர் அசோகச்சவான் இவருக்கு பின்னர் புதிதாக கடந்த 2010 நவம்பர் மாதம் முதல்வராக பிரதி விராஜ்சவான் பொறுப்பேற்றார்.

தற்போது வெளியாகியிருக்கும் முறைகேடு விவரம் வருமாறு, போலி ரேசன் கார்ட் மூலம் பெரும் ஊழல் நடந்திருப்பதாகவும் இது தொடர்பாக உரிய நடவடிக்கை எடுக்க வேண்டும் என்றும் மும்பை மேல் நீதிமன்றத்தில் ஒரு பொதுநல வழக்கு பதிவு செய்யப்பட்டுள்ளது.

இந்த மனுவில் அன்னா ஹசாரே குழுவை சேர்ந்த ஒருவர் தகவல் அறியும் சட்டப்படி இந்த துறையில் நடந்த விவரத்தையும் ஆதாரமாக நீதிமன்றத்தில் தெரிவிக்கப்பட்டுள்ளது.

மனுதாரர் சட்டத்தரணி ஆசீஸ்கைவாட் இந்த வழக்கு குறித்து கூறுகையில் உணவுப் பொருள் பொது விநியோக திட்டத்தின் கீழ் தாசில்தார் அலுவலகம் முறையான ஆவணங்கள் பராமரிக்கவில்லை. பல ஆவணங்கள் போலியாக சித்தரிக்கப்பட்டுள்ளன.

உயர் அதிகாரிகள் கவனமும், ஒப்புதலும் இல்லாமல் சுமார் 42 இலட்சம் போலி ரேசன் கார்ட்கள் வழங் கப்பட்டிருப்பது தெரிய வந்திருக் கிறது இதன் மூலம் கொள்ளைய டிக்கப்பட்ட உணவுப் பொருள் கள்ளச் சந்தையில் விற்கப்பட் டுள்ளது. சுமார் 25 ஆயிரம் கோடி வரை அரசுக்கு பெரும் இழப்பை ஏற்படுத்தியிருக்கின்றனர்.

நாங்கள் கேட்பதெல்லாம் போலி ரேசன் கார்ட்களை ரத்து செய்ய வேண்டும் என்பதுடன் சம்பந்தப்பட்ட ரேசன்கடை மற்றும் தாசில்தார் அலுவலக ஊழியர்கள் மீது கடும் நடவடிக்கை எடுக்கப்பட வேண்டும். இழந்த பொருட்கள் மற்றும் இதற்கான தொகையை மீட்க வேண்டும் இவ்வாறு சட்டத்தரணி கூறினார்.

இது தொடர்பான வழக்கை விசாரித்த மேல்நீதிமன்றம் மாநில அரசுக்கு நோட்டீஸ் அனுப்பியிருக்கிறது. முறைகேட்டில் மாநில அரசு எடுத்த ஒழுங்கு நடவடிக்கைகள் என்ன என்ற விவரத்தை நீதிமன்றத்தில் தாக்கல் செய்ய வேண்டும் என நோட்டீஸ் அனுப்பி வழக்கை வரும் ஜனவரி 13ம் திகதி ஒத்திவைத்தது.

இந்நாளில் வரும் விசாரணையின் போது மாநில அரசு முறையான நடவடிக்கை எடுக்கவில்லை என நீதிமன்றம் கருதினால் கடும் உத்தரவுகளை நீதிமன்றம் பிறப்பிக்கும் இதன்பின்னர் குற்ற வழக்கு மற்றும் கைது நடவடிக்கைகள் என சட்டப்படிகள் வேகமாக நகரும் என எதிர்பார்க்கப்படுகிறது.

இம்மாநிலத்தில் கடந்த 1995 முதல் 2009 வரை இந்த முறைகேடு நடந்திருக்கிறது. இந்த காலங்களில் சிவசேன 2 முறையும், காங்கிரஸ் 6 முறையும் ஆளும் தகுதியில் இருந்துள்ளது.