தமிழகத்திற்கு பாதிப்பின்றி மத்திய அரசு மூலம் புதிய அணை

தமிழகத்திற்கு பாதிப்பின்றி மத்திய அரசு மூலம் புதிய அணை
சுப்பிரமணியசாமி யோசனை
பெரியாறு அணை பிரச்சினையில் சுமுக தீர்வு காண தமிழகத்திற்கு பாதிப்பு இன்றி புதிய அணை மத்திய அரசு மூலம் கட்டலாம். இப் பிரச்சினையில் பேச்சு வார்த்தை நடத்த கேரள முதல்வருக்கு முதல்வர் ஜெயலிதா கடிதம் எழுதவேண்டும் என ஜனதா கட்சித் தலைவர் சுப்ரமணியசாமி தெரிவித்தார்.

மதுரையில் அவர் அளித்த பேட்டி 2006 பெப். 23ல் பெரியாறு அணை நீர் மட்ட த்தை 142 அடியாக உயர்த்த உச்சநீதிமன்றம் உத்தரவிட்டது.

அந்த உத்தரவு இன்றும் அமுலில் உள்ளது இதற்கு தடை விதிக்கப் படவில்லை. நீர் மட்டத்தை உயர்த்தும் ஷட்டர் தமிழகத்திற்குள் உள்ளது தேர்தலை காட்டி ஜெயலலிதா உத்தரவை அமுல்படுத்தாமல்விட்டார்.

பின் வந்த கருணாநிதியும் நடவடிக்கை எடுக்கவில்லை மத்திய சுற்றுச்சூழல் அமைச்சராக இருந்த ராஜாவும் வன விலங்குகளை காட்டி நீர் மட்டத்தை உயர்த்த நடவடிக்கை எடுக்க தயங்கினார். பெரியாறு அணை அமைந்த பகுதியை மத்திய ரிசர்வ் பாதுகாப்பு படை பாதுகாப்புக்குள் கொண்டு வர வேண்டும்.

இப்பிரச்சினை குறித்து பேச்சுவார்த்தை நடத்த தயாராக இருப்பதாக கேரள முதல்வருக்கு முதல்வர் ஜெயலலிதா கடிதம் எழுத வேண்டும். பேச்சுவார்த்தையின் போது தமிழகத்திற்கு உரிய பங்கீடு பெற வேண்டும். கேரள அரசு புதிய அணை கட்டுவது குறித்து விவாதிக்கலாம்.

அணைகட்டினால் தமிழகத்திற்கு உச்சநீதிமன்ற உத்தரவின்படி உரிய பங்கீடு கிடைக்கும் வகையிலும், நீர்மட்டம் 152 அடியாக இருக்கும் வகையிலும் கட்ட வலியுறுத்தலாம். புதிய அணையை மத்திய அரசு கட்டிகொடுக்கவேண்டும். இப்பிரச்சினையை இரு மாநிலங்களிலும் தூண்டி விட்டு அரசியல் ஆதாயம் தேட சிலர் முயற்சிக்கின்றனர் என்றார்.