முல்லைப்பெரியாறு அணை விவகாரம்: மத்திய அரசு தமிழகத்துக்கு துரோகம்

முல்லைப்பெரியாறு அணை விவகாரம்: மத்திய அரசு தமிழகத்துக்கு துரோகம்
- தா. பாண்டியன்
முல்லைப் பெரியாறு அணை விவகாரத்தில் மத்திய அரசு தொடர்ந்து தமிழர்களுக்கு துரோகம் செய்து வருகிறது என இந்திய கம்யூனிஸ்ட் கட்சியின் மாநிலச் செயலாளர் தா. பாண்டியன் கூறினார். தேனியில் இந்திய கம்யூனிஸ்ட் கட்சியின் மூன்று நாள் மாநாடு துவங்கியது. நேற்று முன்தினம் அரசியல் விளக்கப் பொதுக்கூட்டம் நடந்தது. கூட்டத்தில் கட்சியின் மாநிலச் செயலாளர் தா. பாண்டியன் பேசியதாவது:

முல்லைப் பெரியாறு அணையை தமிழர்களுக்காக பென்னிகுக் கட்டினார். அந்தக் காலப் பொறியியல் முறைப்படி கற்களாலும், சுண்ணாம்பாலும் கட்டப்பட்ட இந்த அணை, பலமாக உள்ளதாக உச்ச நீதிமன்றம் அமைத்த பொறியியலாளர் வல்லுநர் குழு ஏற்கனவே தெரிவித்துவிட்டது. தற்போது இந்த அணை நில அதிர்வு காரணமாக இடிந்து விடும் அபாயம் உள்ளதாகவும் இதனால் புதிய அணை கட்டப்போவதாகவும் கேரள அரசு கூறி வருகிறது. நில அதிர்வு ஏற்பட்டால் புதிதாகக் கட்டப்படும் அணை மட்டும் உடையாதா? முல்லைப் பெரியாறு அணை பிரச்சினையில் கேரள அரசு விஷம பிரசாரம் செய்கிறது.

உச்ச நீதிமன்ற தீர்ப்பை கேரள அரசு ஏற்றுக்கொள்ளாத நிலையில், அதை நிலை நிறுத்த வேண்டியது உச்ச நீதிமன்றத்தின் கடமை. இலங்கை தமிழர்கள் பிரச்சினையை போலவே முல்லைப் பெரியாறு அணை விவகாரத்திலும் மத்திய அரசு தமிழர்களுக்கு துரோகம் செய்து வருகிறது.

அரசன் அன்று கொல்லும்
தெய்வம் நின்று கொல்லு,,,!!!