பிறந்த தினத்தன்றுகூட கேக் உண்ணமுடியாத நிலையில் சரத் பொன்சேகா!

by **முனாஸ் சுலைமான்** Mon 19 Dec 2011 - 6:10

முன்னாள் இராணுவத் தளபதி சரத் பொன்சேகாவின் 61வது பிறந்த தினமான இன்று ஐக்கிய தேசியக் கட்சியின், ஐனநாயக தேசியக் கூட்டமைப்பு ஆகியவற்றின் முக்கிய உறுப்பினர்கள் அவரை சிறைச்சாலையில் நேரில் சந்தித்து வாழ்த்து தெரிவித்துள்ளனர்.

ஐக்கிய தேசியக் கட்சியின் பிரதித் தலைவர் கரு ஜயசூரிய, இணைப் பிரதித் தலைவர் சஜித் பிரேமதாச, பாராளுமன்ற உறுப்பினர்களான தயாசிறி ஜயசேகர, பாலித ரங்கே பண்டார மற்றும் பாலித தெவரப்பெரும ஆகியோரம் ஜனநாயக தேசியக் கூட்டமைப்பின் பாராளுமன்ற உறுப்பினர்களான அர்ஜுன ரணதுங்க, டிரான் அலஸ் மற்றும் கெட்டகொட ஆகியோரும் சிறைச்சாலைக்கு சென்று சரத் பொன்சேகாவை வாழ்த்தியுள்ளனர்.

இதேவேளை, சரத் பொன்சேகாவை இன்று சிறைக்கு பார்வையிடச் சென்ற ஐதேக பாராளுமன்ற உறுப்பினர் பாலித ரங்கே பண்டார மற்றும் பாலித தெவரப்பெரும ஆகியோர் சரத் பொன்சேகாவிற்கு வழங்க கேக் ஒன்றை எடுத்துச் சென்றதோடு அதனை சரத் பொன்சேகாவிற்கு வழங்க சிறை அதிகாரிகள் அனுமதி அளிக்கவில்லை.

இதனால் அவர்கள் சிறைச்சாலை வளாகத்தில் கேக்கை வெட்டி உண்டு மகிழ்ந்தனர்