கண்டியில் சரத் பொன்சேகா

by **முனாஸ் சுலைமான்** Wed 23 May 2012 - 7:08

முன்னாள் இராணுவ தளபதி சரத் பொன்சேக்கா இன்று செவ்வாய்க்கிழமை கண்டிக்கு விஜயம் செய்தார். கண்டியிலுள்ள மல்வத்த மற்றும் அஸ்கிரிய ஆகிய மஹா விகாரைகளுக்கு சென்ற அவர், மஹாநாயக்க தேரர்களிடம் ஆசியும் பெற்றுக்கொண்டார்.

சிறையிலிருந்து நேற்று திங்கட்கிழமை விடுதலை செய்யப்பட்ட பின்னர் சரத் பொன்சேக்கா முதல் பயணமாக இன்று கண்டிக்கு விஜயம் மேற்கொண்டார்.

இந்த விஜயத்தின் போது பல பிரதேசங்களில் முன்னாள் இராணுவ தளபதிக்கு மக்களினால் வரவேற்பு அளிக்கப்பட்டது. கண்டி நகரின் கடிகார கோபுரத்தை வந்தடைந்த சரத் பொன்சேக்காவை ஆயிரக்கணக்கான மக்கள் திறந்த வாகனத்தில் வரவேற்றமை குறிப்பிடத்தக்கது.