உலகில் சிறந்த டாப் பாடலாக ஒய் திஸ் கொலவெறியை சிஎன்என் (CNN) தேர்வு செய்தது

by **நேசமுடன் ஹாசிம்** Sat 31 Dec 2011 - 11:28

இன்றளவில் தமிழ் சினிமாவின் இளம் ஹீரோக்களில் டாப் ஸ்டார் தனுஷ் தான், உபயம் "ஒய் திஸ் கொலவெறி". 2011ம் ஆண்டு தனுஷ் தனது திரையுலக வாழ்க்கையின் பொற்காலம் என்று கூட எழுதி வைக்கலாம். அந்த அளவுக்கு பாராட்டும், புகழும் கிடைத்துள்ளது அவருக்கு.
இந்நிலையில் தனுஷ் எழுதிப் பாடி பெரும் சர்ச்சை மற்றும் பாப்புலாரிட்டியைச் சம்பாதித்துள்ள ஒய் திஸ் கொல வெறிடி..-யை சிறந்த பாடலாக பிரபல சிஎன்என் தொலைக்காட்சி தேர்வு செய்துள்ளது.

யுட்யூபின் கோல்ட் விருது, டைம் இதழில் கவுரவம், பிரதமருடன் விருந்து சாப்பிடும் பெருமை என அடுத்தடுத்து இந்தப் பாடலுக்கு பாராட்டுக்கள் குவிந்து வருகின்றன.

அடுத்ததாக, சிஎன்என் தொலைக்காட்சியின் '2011-ன் டாப் பாடல்' என்ற பாராட்டையும் இந்தப் பாடல் பெற்றுள்ளது.

இந்தப் பெருமையைப் பெறும் முதல் தமிழ் (?) பாடல் இதுதான்.

இதற்கிடையே, பிரதமரின் விருந்தில் நேற்று முன்தினம் பங்கேற்ற தனுஷ், இன்று சென்னை திரும்பினார். இந்த ஆண்டு தனது புத்தாண்டு தினத்தை பெற்றோர் மற்றும் மாமனார் ரஜினியின் ஆசியுடன் தொடங்குவேன் என்று கூறிய அவர், அன்றைய தினம் தன் மனைவி ஐஸ்வர்யா பிறந்த நாளை விமரிசையாக கொண்டாடப் போவதாக அறிவித்துள்ளார்.