ராணுவ தளபதிக்கு முன்னாள் தளபதி ஆதரவு

ராணுவ தளபதிக்கு முன்னாள் தளபதி ஆதரவு
வயது சர்ச்சை விவகாரத்தில் சிக்கியுள்ள ராணுவ தலைமைத் தளபதி விஜயகுமார் சிங்குக்கு ஓய்வு பெற்ற இராணுவ தளபதி ஷங்கர ராய் செளத்ரி ஆதரவு தெரிவித்துள்ளார்.

‘ஜெனரல் வி.கே. சிங் மிகவும் மதிக்கக் கூடிய மனிதர் ராணுவத்தின் நற்பெயர் மதிப்பு ஒருமைப்பாடு அடிப்படையில் தான் திகழ்கிறது. எனவே, அந்த மதிப்பில் அவர் சமரசம் செய்து கொள்ள மாட்டார்’ என தாம் கருதுவதாக தனியார் தொலைக் காட்சிக்கு அளித்த பேட்டியில் ராய் செய்த்ரி கூறினார்.

கடந்த காலங்களில் தமது நிலைப்பாட்டைத் தெளிவுபடுத்த தலை மைத் தளபதி முன்வைத்த கோரிக்கைகள் குறித்து ஆய்வு செய்ய வேண்டும். தொடர்ச்சியாக ராணுவ தளபதியாக இருப்பவர் விடுக்கும் கோரிக்கைகளை பாதுகாப்பு அமைச்சகம் கிடப்பில் போடலாமா? அதனால் அவர் வேறு வழியின்றி நீதிமன்றத்துக்கு சென்றாரா? போன்றவற்றை ஆராய வேண்டும்.

என்னைக் கேட்டால், ஒட்டுமொத்த சம்பவங்களின் அடிப்படையில் முடிவு செய்ய வேண்டும் என்ற காரணத்துக்காக அவர் நீதிமன்றத்துக்கு செல்லலாம் என்றார் ராய் செளத்திரி.

பிரச்சினைக்குத் தீர்வு காண வி. கே. சிங் நீதிமன்றத்துக்குச் சென்றது குறித்து கேட்டதற்கு, ‘ராணுவ பணியில் உள்ள மேஜரோ, கர்ணலோ நீதிமன்றத்துக்குச் செல்ல உரிமை உள்ளபோது, ராணுவ தலைமைத் தளபதி ஏன் நீதிமன்றத்துக்குப் போக வேண்டும் எனக் கேட்டார்.