ஊஞ்சல் கயிறு கழுத்தை நெரித்ததில் மாணவன் பலி! - மீசாலையில் சம்பவம்

by **நண்பன்** Tue 25 Jan 2011 - 8:48

யாழ்.தென்மராட்சி
பிரதேசத்தின் மீசாலை பகுதியில் ஊஞ்சல் கயிறு கழுத்தை நெரித்து 11 வயது
பாடசாலை மாணவன் பரிதாபமாக நேற்று முன்தினம் ஞாயிற்றுக்கிழமை
மரணமாகியுள்ளார். அதேயிடத்தைச் சேர்ந்த மனோகரன் சிந்துஜன் என்ற மாணவனே
உயிரிழந்தவராவார்.
பிரஸ்தாப மாணவனை ஊஞ்சலில் வைத்து வேறு சில
சிறுவர்கள் ஆட்டிய போது, ஊஞ்சல் கயிறு முறுக்கேறி சிறுவனின் கழுத்தை
நெரித்தது. இதனால் மூச்சுத் திணறி அந்தச் மாணவன் ஸ்தலத்திலேயே மரணமானார்.
இச்சம்பவம் குறித்து சாவகச்சேரி பொலிஸார் சாவகச்சேரி நீதி மன்றத்தில்
அறிக்கை சமர்ப்பித்தனர். அறிக்கையை ஆராய்ந்த சாவகச்சேரி நீதிவான்
மா.கணேசராசா மேலதிக விசாரணை நடத்தி மேலதிக அறிக்கை சமர்ப்பிக்குமாறு
உத்தரவிட்டார்.