மாலை நேரத்தில் தனியார் கல்வி! மாணவர்களின் ஒழுக்கக்கேட்டுக்குக் காரணமாகும்!!

மாலை நேரத்துக்குப் பின்னர் தனியார் கல்வி நிலையங்களில் வகுப்புக்கள் இடம்பெறுவதால் மாணவர்களிடையே ஒழுக்கம், கட்டுப்பாடு என்பன சீர்குலைய வாய்ப்புக்கள் இருப்பதாக பிரதேச செயலர் இ.வரதீஸ்வரன் தெரிவித்துள்ளார்.

இதனால் யாழ். வடமராட்சி, கரவெட்டிப் பிரதேசத்தில் மாலை 5 மணிக்குப் பின்னர் தனியார் கல்வி நிலையங்களில் வகுப்புக்கள் எதுவும் நடத்தக்கூடாது. அவ்வாறு நடத்தும் தனியார் கல்வி நிலையங்கள் மீது நடவடிக்கை எடுக்கப்படும் என்றும் அவர் எச்சரித்துள்ளார்.

பெற்றோரும் பிள்ளைகளின் வருகைக்காக ஏக்கத்துடன் காத்திருக்க வேண்டிய நிலை ஏற்படுகின்றது.

இந்தக் காரணங்களை முன்வைத்து கரவெட்டிப் பிரதேசத்தில் மாலைக்குப் பின்னர் வகுப்புக்களை நடத்தக் கூடாது எனத் தெரிவிக்கப்பட்டிருந்தது.

இது தொடர்பாகக் கரவெட்டிப் பிரதேசத்தில் இயங்கி வரும் தனியார் கல்வி நிலையங்களின் இயக்குநர்களிடையே நடத்தப்பட்ட கூட்டத்தில் மாலை நேரத்துக்குப் பின்னர் தனியார் கல்வி நிலையங்கள், வகுப்புக்கள் எதனையும் நடத்துவதில்லை எனத் தீர்மானிக்கப்பட்டது.

எனினும் ஒரு சில தனியார் கல்வி நிலையங்கள் இந்தத் தீர்மானத்தை மீறிச் செயற்படுவதாகக் கிடைத்த தகவல்களை அடுத்து அவ்வாறு செயற்படும் தனியார் கல்வி நிலையங்கள் மீது நடவடிக்கை எடுக்கப்படும் என்று அவர் மேலும் தெரிவித்தார்.