ஆச்சர்யமான மற்றும் சுவாரஸ்யமான தகவல்கள் பகுதி - 8

by **ahmad78** Sat 4 Aug 2012 - 8:36

உலகின் மிக உயரமான ரோலர் கோஸ்டர் - கொலராடோ

ரோலர் கோஸ்டர் பிரியர்களுக்காகவே இந்த பதிவு. உலகின் மிக உயரமான ரோலர் கோஸ்டர் என்ற சாதனையை படைத்துள்ளது அமெரிக்காவின் கொலராடோவில் புதிதாக அமைக்கப்பட்ட ரோலர் கோஸ்டர்.(World's Biggest Rollar Coaster) இதன் உயரம் கடல் மட்டத்திலிருந்து 7,000 அடி ஆகும். இதில் பயணிப்பவர்கள் த்ரில்லிங்கின் உச்சகட்டத்தை அடையலாம்.

இதன் வழித்தடமானது அடர்ந்து, உயர்ந்த மலைப்பிரதேசம் மீதும், செங்குத்தான பள்ளத்தாக்குகள் மீதும் அமைக்கப்பட்டுள்ளது. இந்த ரோலர் கோஸ்டரை அமைப்பது மிகப் பெரும் சவாலாக இருந்தது. ஏனென்றால் அடர்ந்த காடுகளின் மீதும், மலைகளின் மீதும், பாறைகளின் மீதும், அதன் வழித்தடங்களை அமைப்பது அவ்வளவு எளிதல்ல.

இந்த ரோலர் கோஸ்டரில் பயணிக்கும் போது கொலராடோநகரையும், அதை சுற்றியுள்ள இயற்கை எழில் கொஞ்சும் மலைகளையும் கண்டு ரசிக்க முடியும். இதை அமைப்பதற்கு 57 கோடி ரூபாய் செலவானதாக அதன் நிர்வாகிகள் தெரிவித்துள்ளனர். என்ன ரோலர் கோஸ்டர் பிரியர்களே ரெடியா ?

http://www.atozforfun.com/2012/07/8.html