ஆட்சியை பிடிக்க காங்கிரஸ் பிரயத்தனம்: கம்யு+னிஸ்ட் அரசை வீழ்த்த ராகுல் காந்தி தீவிர பிரசாரம்

திரிபுரா மாநில சட்டசபை தேர்தல்

ஆட்சியை பிடிக்க காங்கிரஸ் பிரயத்தனம்: கம்யு+னிஸ்ட் அரசை வீழ்த்த ராகுல் காந்தி
தீவிர பிரசாரம்



“காங்கிரசுக்கு வாக்களித்து வெற்றி பெற வைத்தால், டில்லிக்கும், திரிபுரா
மாநிலத்திற்கும் இடையே நேரடி தொடர்பு ஏற்படும்” என, காங்கிரஸ் துணை தலைவர், ராகுல்
காந்தி தெரிவித்தார்.

வட கிழக்கு மாநிலங்களில் ஒன்றான, திரிபுராவில், (14ம் திகதி)
சட்டசபை தேர்தல் நடைபெறவுள்ளது. முதல்வர், மாணிக் சர்க்கார் தலைமையில் மார்க்சிஸ்ட்
கம்யூனிஸ்ட் கட்சி ஆட்சி நடக்கும் அந்த மாநிலத்தில், தொடர்ந்து, நான்காவது முறையாக
மார்க்சிஸ்ட் கம்யூனிஸ்ட் ஆட்சி பொறுப்பில் உள்ளது.
இம்முறையும் வெற்றி பெற்று,
தொடர்ந்து, ஐந்தாவது முறையாக, ஆட்சியை கைப்பற்ற விரும்பும் மார்க்சிஸ்ட் கம்யூனிஸ்ட்
கட்சி மும்முர தேர்தல் பிரசாரத்தில் ஈடுபட்டு வருகிறது. அதற்கு பதிலடி கொடுக்கும்
வகையில், காங்கிரஸ் துணை தலைவர், ராகுல் பிரசாரத்தில் ஈடுபட்டார்.
காங்கிஸ் தலைவர், சோனியா திரிபுரா மாநிலம் செல்ல இருந்தார். உடல் நிலை
சரியில்லாததால், அவரின் பயணம் ரத்தானது. ராகுல் அங்கு விஜயம் செய்து பிரச்சாரம்
செய்துவருகிறார்.
கோனாமுரா என்ற இடத்தில் நட ந்த தேர்தல் பிரசார கூட்டத்தில், ராகுல் பேசியதாவது,
மார்க்சிஸ்ட் கம்யூனிஸ்ட் கட்சிக்கு அதிக ஆதரவு நிலவும் கேரளா, மேற்கு வங்கம் போன்ற
மாநிலங்களில் மக்கள் மாற்ற த்தை கொண்டு வந்துள்ளனர்.

அது போன்ற மாற்றத்தை,
திரிபுராவும் செய்ய வேண்டும். இம்மாநில முன்னேற்றத்திற்காக, மத்திய அரசு ஏராளமான
நிதியை ஒதுக்குகிறது. எனினும் அந்த தொகை சரிவர பயன் படுத்தப்படுவதில்லை என்றார்.
நன்றி தினகரன்

மக்களுக்கு நல்லது செய் அல்லது செத்து மடி.