அரியானாவில் பெண்ணை கடத்தி கற்பழித்த வாலிபர் சுட்டுக் கொலை

by **Muthumohamed** Thu 21 Feb 2013 - 9:55

அரியானா மாநிலம் ரோடக் மாவட்டம் சம்ளா நகரைச் சேர்ந்தவர் ரேஷ்மா (19)
(பெயர் மாற்றம்) அதே பகுதியைச் சேர்ந்தவர் ரோகித்குமார். இவர் கடந்த
2011-ம் ஆண்டு ரேஷ்மாவை கடத்திச் சென்று கற்பழித்தார்.

இதுதொடர்பான
வழக்கு ரோடக் கோர்ட்டில் நடந்து வருகிறது. இந்நிலையில் நேற்று சம்ளாவில்
உள்ள மார்க்கெட்டில் ரோகித்குமார் நின்று கொண்டிருந்தார். அப்போது அங்கு
வந்த மர்ம கும்பல் ஒன்று ரோகித் குமாரை துப்பாக்கியால் சுட்டது. இதில்
அவரது உடலில் குண்டு பாய்ந்து அதே இடத்தில் சுருண்டு விழுந்து பலியானார்.

இதை
கண்டதும் மார்க்கெட்டில் இருந்த வியாபாரிகளும், பொதுமக்களும்
அலறியடித்துக் கொண்டு ஓட்டம் பிடித்தனர். இதுபற்றி போலீசார் வழக்குப்பதிவு
செய்து தப்பி ஓடிய கும்பலை வலைவீசி தேடி வருகிறார்கள்.

போலீசார்
நடத்திய முதல் கட்ட விசாரணையில் ரேஷ்மாவின் தந்தை கூலிப்படையை ஏவி
ரோகித்குமாரை சுட்டுக் கொன்றது தெரிய வந்தது. அவரை போலீசார் தேடி
வருகிறார்கள்.