மன அழுத்தத்தை குறைக்கும் இலைக் காய்கறி :

by **விஜய்** Mon 25 Feb 2013 - 16:40

இலைக் காய்கறிகள் என்று சொல்லப்படும் கீரை வகைகளில் மிக முக்கியமானது கொத்துமல்லிக்கீரை.

கீரைகளுள் இரும்புச்சத்தும், தாது உப்புகளும், வைட்டமின் ‘சி’யும் அதிக அளவில் உள்ள கீரை எது, இதற்குப் பதில், கொத்துமல்லிக் கீரைதான்!

இதன் பொருட்டே, இந்தக் கீரையை எந்த வலையிலாவது சிறிதளவேனு தினசரி நம் உணவில் சேர்த்துக்கொள்ள வேண்டும் என்று வலியுறுத்தப்படுகிறது.

உடல் உறுப்புகளைத் தூண்டிவிட்டுச் செயல்பட வைக்கிறது. இக்கீரை உடலுக்கு உரத்தையும் வழங்குகிறது. வயிற்றுக்கு பலத்தையும் தந்து குடற்பகுதிகள் நன்றாகச் செயல்படவும் செய்கிறது. காய்ச்சலைக் குறைத்துச் சிறுநீர் நன்கு சுரக்கவும் செய்கிறது. மூச்சுக்குழல் பகுதியில் உள்ள சளிச்சவ்வு அழற்சியைக் குணமாக்குகிறது. சிற்றின்ப நுகர்ச்சியைத் தூண்டும் மருந்தாகவும் பயன்படுகிறது. உடலின் எந்தப் பகுதியிலிலாவது நரம்புக் கோளாறு என்றால் அங்கே இதுவே சீர் செய்கிறது.

காய்ச்சல் நேரத்தில் உடலுக்குக் குளிர்ச்சியைத் தரவும் கொத்துமல்லிக்கீரைச் சாறு கைகொடுக்கிறது!

வாய் நாற்றம் அகல….

கொத்துமல்லிக்கீரை இனிய நறுமணமும் சுவையும் கொண்டதாகும். இதைப் பச்சையாகவே மென்று தின்னலாம். இப்படிப் பச்சையாக மென்று தின்பதால் வாய்நாற்றம் நீங்குகிறது. சில மருந்துகளின் வாடை ஏற்கத்தக்கதாய் இராது. அந்த வேண்டாத மணத்தை நீக்குவதற்காகவே கொத்துமல்லிக் கீரையை அந்த மருந்துகளில் சேர்த்துத் தயாரிக்கிறார்கள். இதனால் அந்த மருந்துகளை நறுமணத்துடன் விற்பனைக்கு வருகிறது.

தினமும் இந்தக் கீரை சாப்பிடலாமா?

இக்கீரையின் தண்டு, இலை, விதை முதலியன சிறந்த மணப்பொருளாய் இந்தியச் சமையலில் இடம் பெற்றுள்ளன. குழம்புகளுக்கு நறுமணம் ஊட்டக் கொத்துமல்லிக் கீரையையும் சேர்க்கின்றனர். சாலட், பச்சடிகளிலும் இக்கீரை தூவப்படுகிறது.

இக்கீரையைச் சட்டினியாகவும் தயாரித்து பலகாரங்களுக்குத் தொட்டுக்கொள்ளலாம்.

சற்று உறைப்புத் தன்மையுடன் காணப்படம் இக்கீரையைத் தினசரி சாப்பிட்டால் பித்தமும், பித்தத்தால் ஏற்பட்ட காய்ச்சலும் நீங்கும்; உடலில் பித்தம் சேராமல் தடுக்கும். சிறந்த தங்கபஸ்பலேகியம் போல உடலுக்கு வலுவையும் ஆண்மை விருத்தியையும் தொடர்ந்து தரும்.

இதனை உண்பதால் மூளையில் ஏற்படும் சூடும், மன அழுத்தமும் நீங்குகிறது. நிம்மதியான தூக்கமும் இரவில் கிடைக்கிறது. நன்கு பசி எடுத்துக் சாப்பிட முடியும்.

வாந்தி, சளி, பல்வலி, பல்லீறுகளில் வீக்கம் முதலியனவும் குணமாகின்றன. எனவே, தினமும் கொத்தமல்லிக் கீரையைச் சிறிதளவு மென்று தின்னுங்கள்.

தாது பலத்தையும் தரும் தங்கமான கீரை இது.

இவ்வளவு தூரம் மருத்துவ குணங்கள் நிரம்பி வழிவதால் தினமும் கொத்துமல்லிக் கீரையை உணவில் சேர்த்துக் கொள்ள வேண்டும்.

100 கிராம் கீரையில் கிடைக்கும் சத்துப் பொருட்கள் வருமாறு: ஈரப்பதம் 86.3%, புரதம் 3.3%, தாது உப்புகள் 0.6%, நார்ச்சத்து 1.2%, கார்போஹைடிரேட் 6.3%, கிடைக்கும் கலோரி 44.

100 கிராம் கீரையில் கிடைக்கும் வைட்டமின்களும் தாதுஉப்புகளும் வருமாறு: கால்சியம் 184 மில்லி கிராம், மக்னீசியம் 64 மில்லி கிராம், ஆக்ஸாலிக் அமிலம் 47 மில்லி கிராம், பாஸ்பரஸ் 71 மில்லி கிராம், இரும்பு 18.5 மில்லி கிராம், சோடியம் 58.3 மில்லி கிராம், கந்தகம் 256 மில்லி கிராம், குளோரின் 43 மில்லி கிராம், வைட்டமின் ‘ஏ’-11, 530 சர்வதேச அலகு, தயாமின் (பி1) 0.05 மில்லி கிராம், ரிபோஃபிளவின் (பி2) 0.08 மில்லி கிராம், நிகோடினிக் அமிலம் 0.8 மில்லி கிராம், வைட்டமின் ‘சி’-135 மில்லி கிராம்.

எல்லாத் தாது உப்புகளும் உள்ள கீரை இதுதான். இந்தக் கீரையைத் தவறாமல் தினமும் சேர்த்துக்கொள்ள வேண்டும் என்பதற்காகத்தான் இக்கீரையில் உள்ள சத்துகளின் பட்டியல் இங்கே கொடுக்கப்பட்டுள்ளது.

இதயமும், இதயத்துக்குச் செல்லும் நரம்புகளும் தடையின்றிச் சீராக இயங்க மக்னீசியம் தேவை. மக்னீசியம் ஏராளமாய் இக்கீரையில் இருப்பது குறிப்பிடத்தக்கது.

மனநோய் குணமாக…

பைத்தியம் அல்லது மனநோய் நீங்க 100 கிராம் கீரையை மிக்ஸியில் அரைக்க வேண்டும். அதை 200 மில்லி பசும்பாலில் கரைக்க வேண்டும். பிறகு அந்தப் பசுப்பாலை வடிகட்டி நாட்டுச் சர்க்கரை சேர்த்து அருந்தச் செய்ய வேண்டும். தினமும் இருவேளை இதுபோல் அருந்தச் செய்ய வேண்டும். மூன்று நாட்களுக்கு இது போல் அருந்தினால் பலன் கிடைக்கும். அதன் பிறகு நோயாளியின் தன்மைக்கு ஏற்ப கீரையின் அளவைக் குறைத்து இந்த முறையில் பால் தயாரித்துக் கொடுக்கலாம்.

வேலைப் பளு மிகுதியாலும், குடும்பச் சூழ்நிலையாலும் ஏற்பட்ட மன அழுத்தத்தினால் சிலர் அவதிப்படுவார்கள்.

இவர்களுக்குக் கொத்துமல்லிக் கீரைச் சாறு அருமருந்தாகும். அது மன அழுத்தத்தை நீக்கி, உடலுக்குச் சுறுசுறுப்பைத் தருகிறது. இதற்காக 50 கிராம் கீரையைச் சாறாக மாற்றித் தினம் ஒருவேளை மட்டும் அருந்தலாம்.

காய்ச்சல் நேரத்தில் இக்கீரைச் சாற்றை அருந்தினால் காய்ச்சலின் தீவிரம் உடனே குறையும்.

வைட்டமின் ‘ஏ’யின் குறைபாட்டாலும், மாலைக் கண் நோயாலும் தோல் நோயாலும் சிலர் அவதிப்படுவார்கள். தயாமின் குறைவினால் உணவு செரியாமை, பசியின்மை, களைப்பு ஆகியவற்றால் சிலர் அவதிப்படுவார்கள். ரிபோஃபிளவின் குறைவால் வாயைச் சுற்றித் தோல் வெடிப்பும், பார்வைக் குறைவால் தோல் அழற்சியும் ஏற்படும். வைட்டமின், ‘சி’ குறைவால் மூட்டு வீக்கம், பல வியாதிகள் ஆகியன ஏற்படும். பிரசவம் எளிதாய் நடைபெறவும், தாய்ப்பால் நன்கு சுரக்கவும், நன்கு கருத்தரிக்கவும் பலர் விரும்புகிறார்கள்.

மேற்கண்ட குறைபாடுகளுக்கு உயர்ந்த ரக மருந்து இருக்கிறது. அது மிகுந்த பயனைத் தருவதுடன் இரத்த விருத்தியையும் உண்டாக்கிவிடுகிறது; இரத்த சோகையையும் குணமாக்கிவிடுகிறது.

அந்த மருந்து கொத்துமல்லிக் கீரைச் சாறுதான்!

தினசரி 50 கிராம் கொத்துமல்லிக் கீரையைச் சாறாக மாற்றி காலையில் அருந்தினால் போதும். தேவைக்கு ஏற்ப அளவைக் குறைத்துக் கொள்ளலாம்.

பெரியம்மை நோய் குணமாக ஒரு தேக்கரண்டி கொத்துமல்லி சாற்றில் ஒரு வாழைப்பழ விதைகளைச் சேர்த்துச் சாப்பிட வேண்டும். இவ்வாறு தினமும் ஒரு வேளை வீதம் பத்து நாள்கள் வரை சாப்பிட்டால் பெரியம்மை விரைந்து நீங்கும். பெரியம்மை நோயின்போது கண்களைப் பாதுகாக்கக் கொத்துமல்லி இலைகளைச் சாறாக்கிக் கண்களைக் கழுவவேண்டும். அல்லது கொத்துமல்லி விதைகள் கலந்த தண்ணீரைக் கொண்டு கழுவ வேண்டும். யுனானி மருத்துவத்தில் இந்த முறையில் கழுவுவதால் அம்மை நோயால் கண்கள் பாதிக்கப்படுவதைத் தடுத்துவிடுகின்றனர்.

இரத்த மூலம் குணமாகக் கொத்துமல்லியிலிருந்து திறக்கப்பட்ட நீருடன் பால், சர்க்கரை ஆகியன சேர்த்து அதாவது, கொத்துமல்லிக் காப்பி அருந்த வேண்டும்.

வயிற்றுப் பொறுமல், அஜீரணம் முதலியவை குணமாகக் கொத்துமல்லி விதையை வறுத்துப் பொடியாக்க வேண்டும். அந்தப் பொடியில் இரு தேக்கரண்டி எடுத்துச் சர்க்கரை சேர்த்துச் சாப்பிட வேண்டும்.

கொலாஸ்டிரல குறைய….

இரத்தத்தில் கொலாஸ்டிரல் அளவு குறையவும், கொலாஸ்டிரல் சேராமல் இருக்கவும் தினம் ஒரு வேளையாவது கொத்துமல்லிக் காப்பி தயாரித்து அருந்தலாம். இல்லை எனில் கொத்துமல்லி விதைகளை தண்ணீரை இட்டுக் கொதிக்க வைக்கவும். ஆறியதும் தண்ணீரை வடிகட்டி வைத்துக்கொள்ளவும். தண்ணீர் தாகம் எடுக்கும் போது இந்தத் தண்ணீரை அருந்தினால் கொலஸ்டிரல் சேருவது தடைப்படும்.

கொத்துமல்லியில் உள்ள Vilatile oil என்னும் எண்ணெயை உணவுப் பொருள்களுக்கு நறுமணம் ஊட்டவும் மருந்துப் பொருள்களில் வாசனை மருந்தாகவும் சேர்க்கப்படுகிறது.

கொத்துமல்லி விதையில் புரதமும், கலோரியும் அதிகம், அதனால்தான் மிளகாயுடன் தவறாமல் தனியா (கொத்துமல்லி)யையும் சேர்த்து மிளகாயால் ஏற்படும் கெடுதல்களை நீக்குகிறோம். இதனால் குழம்பும், சாம்பாரும் மருந்தாகவும், எளிதில் ஜீரணமாகும் உணவாகவும் மாறிவிடுகின்றன.

கொத்துமல்லியின் தாயகம் மத்திய தரைக்கடல் பகுதிகளாகும். ஆனால், அது இந்தியாவில்தான் ஏராளமாக பயிரிடப்பட்டு உணவிலும் நன்கு சேர்த்துக் கொள்ளப்படுகிறது.

கொத்துமல்லியிலிருந்து எடுக்கப்படும் எண்ணெய் ‘ஜின்’ போன்ற மதுவகைகளுக்கு மணம் ஊட்டப் பயன்படுகிறது.

கொத்துமல்லியின் விஞ்ஞானப் பெயர் Coriandrum Satirum என்பதாகும்.

வீட்டுத் தோட்டத்தில் அவசியம் வளர்த்துத் தினமும் உடலுக்குப் புத்துணர்ச்சி ஏற்படச் சேர்த்துக் கொள்ள வேண்டிய அரிய கீரை, கொத்துமல்லி என்றால் அது மிகையாகாது...
படித்தது...

by *சம்ஸ் Mon 25 Feb 2013 - 17:23

சிறந்த தகவலுக்கு நன்றி விஜய் @.

மன அழுத்தத்தை குறைக்கும் இலைக் காய்கறி :

மன அழுத்தத்தை குறைக்கும் இலைக் காய்கறி :

Re: மன அழுத்தத்தை குறைக்கும் இலைக் காய்கறி :