தவான் அதிவேக சதம்: இந்தியா அபாரம்

ஆஸ்திரேலியாவுக்கு எதிரான மொகாலி டெஸ்டில் அசத்திய இந்தியாவின் தவான் அறிமுக போட்டியில் அதிவேகமாக சதமடித்து சாதனை படைத்தார்.

இந்தியா
வந்துள்ள ஆஸ்திரேலியா அணி நான்கு போட்டிகள் கொண்ட டெஸ்ட் தொடரில்
பங்கேற்கிறது. முதலிரண்டு டெஸ்டில் வென்ற இந்திய அணி 2-0 என முன்னிலையில்
உள்ளது. மூன்றாவது போட்டி பஞ்சாப்பில் உள்ள மொகாலியில் நடக்கிறது.
இரண்டாவது நாள் ஆட்ட நேர முடிவில், ஆஸ்திரேலிய அணி முதல் இன்னிங்சில் 7
விக்கெட்டுக்கு 273 ரன்கள் எடுத்திருந்தது. ஸ்டீவன் ஸ்மித்(58),
ஸ்டார்க்(20) அவுட்டாகாமல் இருந்தனர்.

இன்று மூன்றாவது நாள் ஆட்டம்
நடந்தது. இஷாந்த் சர்மா பந்தில் ஸ்மித், ஸ்டார்க் தலா ஒரு பவுண்டரி
அடித்தனர். சதத்தை நெருங்கிக் கொண்டிருந்த, ஸ்மித்தை (92) ஓஜா சுழலில்
வீழ்த்தினார். தனி வீரராக போராடிய ஸ்டார்க், 99 ரன்னில், இஷாந்த் வேகத்தில்
விக்கெட்டை இழந்தார். தோகர்டியும் 5 ரன்களில் வெளியேற, ஆஸ்திரேலிய அணி
முதல் இன்னிங்சில் 408 ரன்களுக்கு ஆல்-அவுட்டானது. லியான் (9) அவுட்டாகாமல்
இருந்தார். இந்தியா சார்பில் இஷாந்த் சர்மா, ஜடேஜா அதிகபட்சமாக 3
விக்கெட்கள் வீழ்த்தினர்.

இந்திய அணிக்கு முரளி விஜய், ஷிகர் தாவன்
ஜோடி நல்ல துவக்கம் கொடுத்தது. சிடில், ஹென்ரிக்ஸ் ஓவரில் தவான்
பவுண்டரிகளாக விளாசினார். அடுத்தடுத்த பவுண்டரிகளால், அணியின் ஸ்கோர்
"ஜெட்' வேகத்தில் உயர்ந்தது. முரளி விஜய் லியான் பந்தில் இரண்டு சிக்சர்கள்
அடித்தார். தவான் (85 பந்து, 21 பவுண்டரிகள்),டெஸ்ட் அரங்கில் தனது முதல்
சதத்தை எட்டினார். இதன் மூலம், அறிமுக டெஸ்டில் அதிவேக சதம் அடித்த வீரர்
என்ற உலக சாதனை படைத்தார். மறுபுறம் முரளி விஜய் அரைசதம் கடந்தார்.
மூன்றாவது நாள் ஆட்ட நேர முடிவில், இந்திய அணி முதல் இன்னிங்சில் விக்கெட்
இழப்பின்றி, 283 ரன்கள் எடுத்தது. முரளி விஜய் (83), ஷிகர் தவான் (185)
அவுட்டாகாமல் இருந்தனர்.

மிக்க மகிழ்ச்சி வாழ்த்துக்கள் :)) தொடர் அனைத்தையும் வென்று வெற்றி மாலை சூடட்டும் பாரத் மாதா #+

#+ #+

நண்பன் wrote:மிக்க மகிழ்ச்சி வாழ்த்துக்கள் :)) தொடர் அனைத்தையும் வென்று வெற்றி மாலை சூடட்டும் பாரத் மாதா #+

@. @.