இந்திய பெருங்கடலில் சீன நீர்மூழ்கி கப்பல்கள் இலங்கை வரை வந்து செல்கின்றன

by *சம்ஸ் Sun 7 Apr 2013 - 8:37

புதுடெல்லி, ஏப். 7-

இந்திய ராணுவ அமைச்சகம் ஒரு அறிக்கை வெளியிட்டுள்ளது. அதில், இந்திய கடல் பகுதியில் சீனாவின் நீர்மூழ்கி கப்பல்கள் சர்வ சாதாரணமாக வந்து செல்கின்றன. அவை இந்திய கடற்படையின் கட்டுப்பாட்டில் உள்ளன.

இந்தியாவை சுற்றியுள்ள அண்டை நாடுகளின் துறைமுகங்களை சீனா தன் வசம் வைத்துள்ளது. வங்காள தேசம் (சிட்டகாங்), மியான்மர் (சித்வே மற்றும் கோகோதீவு), இலங்கை ஹம் பங்டோடோ, பாகிஸ்தான் (குவாடர்) ஆகிய இடங்களில் சீனா தனது கடல் ஆதிக்கத்தை நிலை நிறுத்தியுள்ளது.

சிசெல்ஸ் தீவில் கப்பலை நிறுத்தும் உரிமையை பெற்றுள்ளது. இதனால் இப்பகுதியில் சீனாவின் ஆதிக்கத்தை கட்டுப்படுத்த முடியவில்லை. எனவே, இந்த விஷயத்தில் மத்திய அரசு நடவடிக்கை மேற்கொள்ள வேண்டும். கடற்படையின் தகுதியையும், பலத்தையும் அதிகரிக்கவேண்டும் என தெரிவிக்கப்பட்டுள்ளது.

இந்தியாவை சுற்றியுள்ள நாடுகளிடம் உள்ள துறைமுகங்களில் சீனா ஆதிக்கம் செலுத்தி வருகிறது. அதனால் சீனாவின் நீர் மூழ்கி கப்பல்கள் பாகிஸ்தான் எல்லையில் இருந்து இலங்கை வரை வந்து செல்கின்றன.

இதை சமாளிக்க இந்திய துறைமுகங்கள் விரிவுபடுத்தபடவேண்டும். அவற்றில் கப்பல் படை தளங்கள் அமைக்க வேண்டும். ஆனால் மத்திய அரசு இதுகுறித்து நடவடிக்கை எதுவும் எடுக்காமல் தூங்கி கொண்டிருக்கிறது.

மாலைமலர்