கிழக்கு ஜரூசலத்தில் 80 வீதமான பலஸ்தீனர்கள் வறுமைக் கோட்டுக்கு கீழ்

by **நண்பன்** Fri 10 May 2013 - 0:20

கிழக்கு ஜரூசலத்தில் 80 வீதமான பலஸ்தீனர்கள் வறுமைக் கோட்டுக்கு கீழ்
இஸ்ரேலின் பாகுபாட்டு கொள்கையால் கிழக்கு ஜெரூசலத்தில் உள்ள 80 வீதத்துக்கு அதிகமான பலஸ்தீன சிறுவர்கள் வறுமைக்கோட்டுக்கு கீழ் வாழ்ந்துவருவதாக ஐ.நா. அறிக்கை குறிப்பிட்டுள்ளது.

“கடந்த தசாப்தத்தில் ஜெரூசலத்தில் இருக்கும் பலஸ்தீனர்களின் வறுமை நிலை வேகமாக உயர்ந்துள்ளது” என ஐ.நாவின் வர்த்தக மற்றும் அபிவிருத்தி மாநாடு வெளியிட்ட அறிவிப்பில் கூறப்பட்டுள்ளது.

கடந்த 2010 ஆம் ஆண்டு தொடக்கம் கிழக்கு ஜெரூசலத்தில் உள்ள 82 வீதமான பலஸ்தீன சிறுவர்கள் வறுமைக் கோட்டுக்கு கீழ் வாழ்கின்றனர். ஆனால் அதே பகுதியில் வசிக்கும் இஸ்ரேல் சிறுவர்களின் வறுமை நிலை 45 வீதத்தால் குறைவடைந்துள்ளது.

மறுபுறத்தில் இஸ்ரேல் மனித உரிமை அமைப்பு கடந்த வாரம் வெளியிட்ட அறிவிப்பு இதனை எதிரொலிப்பதாக இருந்தது. இதில் ஜெரூசலத்தில் வாழும் பலஸ்தீனர்கள் எப்போதும் இல்லாத அளவுக்கு வறுமையில் தவிப்பதாக கூறியிருந்தது.

பலஸ்தீனர்களின் வறுமை நிலை அதிகரிப்பதற்கு அங்கு கடைபிடிக்கப் படும் பொருளாதார தனிமைப்படுத்தல் முக்கிய காரணி என ஐ.நா. அறிவிப்பில் சுட்டிக்காட்டப்பட்டுள்ளது. நகரத்தில் இருக்கும் இஸ்ரேலியர்களின் குடியிருப்புகளை பிரிக்கும் வகையில் மதில்கள் அமைக்கப்பட்டு இஸ்ரேல் அரசு அங்கு பாகுபாட்டு கொள்கையை கையாள்வதோடு பலஸ்தீன பொருளாதார நிலை, இஸ்ரேலிய பொருளாதாரத்துடன் தொடர்புபட்டிருக் காது என்றும் அந்த அறிவிப்பில் கூறப்பட்டுள்ளது.

பாதுகாப்பை கருத்தில் கொண்டே இவ்வாறான மதில்களை அமைப்பதாக இஸ்ரேல் காரணம் கூறுகிறது. ஆனால் இதன்மூலம் பலஸ்தீனர்களுக்கு தமது பொருளாதார நடவடிக்கைகளை முன்னெடுப்பதில் சிரமத்தை சந்திப்பதாக குற்றம்சாட்டப்பட்டுள்ளது.

தடைச் சுவர்களால் கிழக்கு ஜெரூசலத்தின் பொருளாதாரத்தில் சுமார் ஒரு பில்லியன் டொலர் இழப்பு நேரிடுவதாக ஐ.நா. வர்த்தக மற்றும் அபிவிருத்தி மாநாடு குறிப்பிடுகிறது.

இந்நிலையில் ஐ.நா. தீர்மானத்திற்கு அமைய குடியிருப்பு திட்டங்கள் மற்றும் ஆக்கிரமிப்பை கைவிடும்படியும் அந்த அறிக்கையில் இஸ்ரேலிடம் வலியுறுத்த ப்பட்டுள்ளது. கிழக்கு ஜெரூசலத்தை இஸ்ரேல் 1967 ஆறு நாள் மத்திய கிழக்கு யுத்தத்தின்போது ஆக்கிரமித்ததோடு அதனை தனது நாட்டு எல்லைக்கு உட்படுத்தியது. எனினும் இதனை சர்வதேச சமூகம் அங்கீகரிக்கவில்லை.

by **Muthumohamed** Fri 10 May 2013 - 10:28

ஒரு இடத்தில் பயங்கர ஆடம்பரம் பல இடங்களில் வறுமையின் தாண்டவம்

யா அல்லாஹ் எங்கள் இன மக்களையும் பிற இன மக்களையும் வறுமையில் இருந்து பாதுகாப்பாயாக

கிழக்கு ஜரூசலத்தில் 80 வீதமான பலஸ்தீனர்கள் வறுமைக் கோட்டுக்கு கீழ்

கிழக்கு ஜரூசலத்தில் 80 வீதமான பலஸ்தீனர்கள் வறுமைக் கோட்டுக்கு கீழ்

Re: கிழக்கு ஜரூசலத்தில் 80 வீதமான பலஸ்தீனர்கள் வறுமைக் கோட்டுக்கு கீழ்