திருவனந்தபுரம் அருகே பஸ் மீது கார் மோதல்: பெண்கள் உள்பட 3 பேர் பலி

by *சம்ஸ் Sat 14 Sep 2013 - 9:45

திருவனந்தபுரம், செப். 14–
திருவனந்தபுரம், ஆற்றிங்கல், அலங்கோடு பகுதியைச் சேர்ந்தவர் கோபி, (வயது 56). இவரது உறவினர் ஒருவர் இறந்து போனார். அவரது இறுதிச்சடங்குகள் முடிந்த பின்னர் அவரது அஸ்தியை அருகில் உள்ள ஆற்றில் கரைப்பதற்காக கோபியும், அவரது சகோதரி கமலம், சகோதரரின் மனைவி உஷா உள்பட 11 பேர் ஒரு காரில் புறப்பட்டனர்.
அஸ்தியை ஆற்றில் கரைத்து விட்டு அவர்கள் மீண்டும் காரில் ஊருக்கு திரும்பினர். மாவேலிக்கரா திருப்பத்தில் வந்தபோது திடீரென கார் டிரைவரின் கட்டுப்பாட்டை இழந்து ரோட்டில் தாறுமாறாக ஓடியது.
அப்போது எதிரே வந்த தனியார் பஸ் மீது கார் வேகமாக மோதியது. இதில் காரில் இருந்த கோபி, உஷா, கமலம் ஆகிய 3 பேரும் சம்பவ இடத்திலேயே உடல் நசுங்கி பரிதாபமாக உயிர் இழந்தனர்.
அவர்களது உறவினர்கள் 8 பேர் படுகாயம் அடைந்தனர். அவர்கள் அனைவரும் திருவனந்தபுரம் அரசு ஆஸ்பத்திரியில் அனுமதிக்கப்பட்டனர்.
விபத்து பற்றி தெரிய வந்ததும் தீயணைப்பு படையினரும், போலீசாரும் விரைந்து சென்று மீட்புப்பணியில் ஈடு பட்டனர்.
கார் அதிவேகமாக வந்ததே விபத்துக்கு காரணம் என அப்பகுதி மக்கள் தெரிவித்தனர்.
இது தொடர்பாக திருவனந்தபுரம் போக்கு வரத்து போலீசார் வழக்குப் பதிவு செய்து விசாரணை நடத்தி வருகிறார்கள்.

மாலைமலர்

by **பானுஷபானா** Sat 14 Sep 2013 - 10:58

திருவனந்தபுரம் அருகே பஸ் மீது கார் மோதல்: பெண்கள் உள்பட 3 பேர் பலி

திருவனந்தபுரம் அருகே பஸ் மீது கார் மோதல்: பெண்கள் உள்பட 3 பேர் பலி

Re: திருவனந்தபுரம் அருகே பஸ் மீது கார் மோதல்: பெண்கள் உள்பட 3 பேர் பலி