ஈராக்கில் இந்தியர்கள் கடத்தல்: மோடி அரசு சந்திக்கும் முதல் பிரச்னை

புதுடில்லி: ஈராக்கில் இந்தியர்கள் கடத்தப்பட்டது, புதிதாக பதவியேற்றுள்ள மோடி தலைமையிலான மத்திய அரசுக்கு மிகப்பெரிய சவாலாக அமைந்துள்ளது. கடந்த 2003ல் அமெரிக்க படைகள் ஈராக்கில் தாக்குதல் நடத்தியது, வாஜ்பாய் தலைமையிலான அரசுக்கு ஏற்பட்ட சிக்கலை போல், தற்போது பிரதமர் மோடி தலைமையிலான அரசுக்கு மிகப்பெரிய தலைவலியை ஏற்படுத்தியுள்ளது.

அதிர்ச்சி: ஈராக் விவகாரம், இந்தியாவை பாதிக்கும் என்பதை யாரும் எதிர்பார்க்கவில்லை. ஈராக்கின் வடக்குப்பகுதியில் உள்ள திக்ரித் நகரில் கட்டுமானப்பணியில் இருந்த 40 இந்தியர்கள் கடத்தப்பட்டது, நிச்சயம் மத்திய அரசின் தூக்கத்தை கெடுத்துவிட்டது என கூறப்படுகிறது. ஈராக் மற்றும் சிரியாவில் உள்ள மிகவும் கொடூரமான அமைப்பாக கருதப்படும் ஐஎஸ்ஐஎஸ் எனப்படும் பயங்கரவாத அமைப்பு இந்தியர்களை கடத்தியுள்ளது. இந்த அமைப்பு இந்தியர்களை நல்லவிதமாக நடத்துவார்கள் என்பதை யாரும் நம்பவில்லை. இவர்களின் செயல் அல்குவைதா அமைப்புக்கும் அதிர்ச்சியை ஏற்படுத்தியுள்ளதாக கூறப்படுகிறது. ஐஎஸ்ஐஎஸ் பயங்கரவாத அமைப்பு ஆயிரக்கணக்கானவர்களை படுகொலை செய்து, அந்த காட்சிகளை இணையதளத்தில் வெளியிட்டுள்ளது.

சவால்: பாக்தாத்தில் உள்ள ஈராக் அரசின் பிடி தளர்ந்து வரும் நிலையில், கடத்தப்பட்ட இந்தியர்களை மீட்பது இந்தியாவிற்கு மிகப்பெரிய சவாலாக அமைந்துள்ளது. ஈராக்கில் இந்தியர்கள் கடத்தப்பட்டது மோடி அரசுக்கு மிகப்பெரிய சவாலாக அமைந்ததுடன், 2003ல் ஈராக்கில் அமெரிக்க படைகள் நுழைந்த போது அப்போது தேசிய ஜனநாயக கூட்டணி அரசுக்கு ஏற்பட்ட சிக்கலை போல், தற்போது மோடி அரசுக்கு தலைவலியை ஏற்படுத்தியுள்ளது. ஈராக்கில் உள்ள மொசூல் நகரை ஏற்கனவே கைப்பற்றியுள்ள ஐஎஸ்ஐஎஸ் பயங்கரவாத அமைப்பு, தற்போது பாக்தாத் நோக்கி முன்னேறி வருகிறது. ஈராக் ராணுவம் தற்போதைக்கு தனது நிலையை தக்க வைத்து கொண்டாலும், நீண்ட நாட்கள் தனது நிலையை வைத்திருக்கும் என்பதற்கு உத்தரவாதம் இல்லை.

சிறப்பு தூதர் பயணம்: இந்திய வெளியுறவுத்துறை அமைச்சகத்தின் கணக்கின்படி, ஈராக்கின் பல்வேறு பகுதிகளில் 18 ஆயிரம் இந்தியர்கள் வசிக்கின்றனர். ஈராக்கின் தெற்கு பகுதியில் உள்ள இந்தியர்கள் அமைதியாக வாழ்கின்றனர். குர்தீஷ் பகுதியில் தன்னாட்சி பெற்ற அமைப்பு ஆட்சி செய்து வருகிறது. வடக்குப்பகுதியில் வசிக்கும் இந்தியர்களே சிக்கலுக்கு உள்ளாகியுள்ளனர். மொசூல் நகர் அருகேயுள்ள திக்ரித் பகுதியில் கேரள மாநிலத்தை சேர்ந்த 40 நர்சுகள் சிக்கியுள்ளனர். தாங்கள் பத்திரமாக உள்ளோம் என நர்சுகள் கூறினாலும், அவர்களை பத்திரமாக மீட்கும் முயற்சியில் இந்திய தூதரகம் ஈடுபட்டுள்ளது. இந்தியர்களை மீட்க, ஈராக்கிற்கான முன்னாள் தூதர் சுரேஷ் ரெட்டி ஏற்கனவே அங்கு அனுப்பப்பட்டுள்ளார். அவர் அங்கு தனக்குள்ள செல்வாக்கை பயன்படுத்தி, கடத்தப்பட்ட இந்தியர்களை மீட்க முயற்சி செய்வார் என எதிர்பார்க்கப்படுகிறது. ஈராக்கில் உள்ள இந்தியர்களை பத்திரமாக அழைத்து வர கடற்படை மற்றும் விமானப்படையை பயன்படுத்த மத்திய அரசு திட்டமிட்டு வருகிறது.

பலவீனமா ஈராக் அரசு: ஆனால் ஐஎஸ்ஐஎஸ் அமைப்புடன் பேச்சுவார்த்தை நடத்தி தீர்வு காண்பது என்பது மிகவும் எளிதான காரியமாக இருக்காது என கருதப்படுகிறது. அந்த அமைப்பு பற்றியும், அதன் தலைமை மற்றும் கட்டமைப்பு பற்றியும் யாருக்கும் சரிவர தெரியாது. அந்த அமைப்பு கொடூரத்தன்மைக்கு பெயர் போனது. அரசாங்கத்துடன் பேச்சுவார்த்தை நடத்த அந்த அமைப்பு எளிதில் ஒப்புக்கொள்ளாது. பலவீனமாகியுள்ள ஈராக் அரசு, வடக்குப்பகுதியில் நடப்பதை கட்டுப்படுத்த முடியவில்லை. பாக்தாத்திற்குள் ஐஎஸ்ஐஎஸ் அமைப்பு நுழைவதை தடுக்கவே அரசு முயற்சி செய்து வருகிறது. ஈராக்கில் மக்களால் தேர்ந்தெடுக்கப்பட்ட அரசு வீழ்ந்தால், கடத்தப்பட்ட இந்தியர்களை மீட்பது மிகவும் சிக்கலாகிவிடும் என கூறப்படுகிறது. கடத்தப்பட்டவர்களின் பெரும்பாலானோர், பஞ்சாப் மாநிலத்தை சேர்ந்த கட்டுமானத் தொழிலாளர்கள். அவர்கள் அனைவரும் வறுமையில் வாடுபவர்கள். கடத்தப்பட்டவர்களை பத்திரமாக அழைத்து வர வேண்டும் என அவர்களது உறவினர்கள் மத்திய அரசுக்கு கோரிக்கை விடுத்துள்ளனர்.

மிகப்பெரிய பணி: கடத்தப்பட்டவர்களை மீட்பதில், தேசிய பாதுகாப்பு ஆலோசகர் அஜித் தோவலுக்கு மிகப்பெரிய பங்கு ஆற்றவேண்டியுள்ளது. வெளியுறவுத்துறை அமைச்சகத்துடன் இணைந்து அவர் பணியாற்றுவார் என எதிர்பார்க்கப்படுகிறது. அதேபோல்,மத்திய வெளியுறவுத்துறை அமைச்சர் சுஷ்மா சுவராஜூக்கு இந்தியர்களை மீட்பது மிகப்பெரிய பணியாக உள்ளது. இந்தியர்கள் கடத்தப்பட்டது குறித்து பிரதமர் மோடி இன்னும் எந்த தகவலும் தெரிவிக்கவில்லை. கடத்தப்பட்டவர்களை பத்திரமாக மீட்பது தொடர்பாக உரிய திட்டங்களுடன் அவர் மீடியாக்களை சந்திப்பார் என எதிர்பார்க்கப்படுகிறது.

18 ஆயிரம் இந்தியர்கள்: ஈராக்கில் பல்வேறு பகுதிகளில் 18 ஆயிரம் இந்தியர்கள் வசிக்கின்றனர். குர்தீஷ் பகுதியில் 6 ஆயிரம் பேரும், பாக்தாத் அருகே 6 ஆயிரம் பேரும், எர்பில், சுலைமானியா, தோகுக் பகுதியில் பேரும் வசிக்கின்றனர்.

மீட்பு பணி: மொசூல், திக்ரித் மற்றும் அதன் சுற்றுவட்டாரப்பகுதிகளில் வசிக்கும் இந்தியர்களை பத்திரமாக அழைத்து வர ஹெலிகாப்டர்களை பயன்படுத்த இந்திய தூதரகம் முயற்சி செய்து வருகிறது. மிகப்பெரிய மற்றும் நடுத்தர அளவிலான போக்குவரத்து விமானப்படை விமானங்கள், இந்திய விமானப்படையிடம் உள்ளது. கல்ப் பகுதியில் கடற்கொள்ளைக்கு எதிராக பணியில் உள்ள கடற்படை கப்பலும், மீட்பு பணிக்கு உதவ அனுப்பிவைக்கப்படும். மொசூலில் இருந்து 88 கி.மீ., தொலைவில் உள்ள எர்பில் நகருக்கும் இந்தியர்களை அழைத்து வந்து, அங்கிருந்து தாயகம் அனுப்பிவைக்க இந்திய தூதரகம் முயற்சி செய்து வருகிறது. பாக்தாத்திலிருந்து 25 கி.மீ., தொலைவில் உள்ள சமாரா நகருக்கு பல இந்தியர்கள் அனுப்பிவைக்கப்பட்டுள்ளனர்.

சவால்: மொசூல், திக்ரித் மற்றும் அதன் சுற்றுவட்டாரப்பகுதிகளில் யாருக்கும் அதிகாரம் உள்ளது என யாருக்கும் தெரியவில்லை. இங்குள்ளவர்களை சாலைவழியாக பத்திரமாக மீட்பது என்பது எளிதான காரியமாக இருக்காது.

நன்றி: தினமலர்

யாரார் பிரச்சனையில் மாட்டி கண்ணீருடன் உள்ளனரோ?

உங்களுக்கு விளையாட்டா? #* #* ))& ))& (_ (_ 

jaleelge wrote:

Nisha wrote:யாரார்  பிரச்சனையில் மாட்டி கண்ணீருடன் உள்ளனரோ?

உங்களுக்கு விளையாட்டா? #* #* ))& ))& (_ (_ 

 சாரி...சாரி.....

நாளைக்கு என் தங்கச்சி வந்தப்புரம் வச்சிக்கிறேன்....

பானு,,பானு...இங்கப்பாரு.... )*  )*  )*  )* 

என் கட்சி பலமாக இருக்கு...