கறுப்பு பணம் பதுக்கியுள்ள இந்தியர் பட்டியல்: மத்திய அரசிடம் அளிக்க சுவிட்சர்லாந்து முடிவு

புதுடில்லி:சுவிட்சர்லாந்து வங்கிகளில் கறுப்பு பணத்தை பதுக்கி வைத்துள்ள இந்தியர்களின் பட்டியலை, அந்த நாட்டு அரசு தயாரித்து வருகிறது. இந்த பட்டியல், விரைவில் மத்திய அரசிடம் வழங்கப்படவுள்ளதாக, சுவிஸ் அதிகாரிகள் தெரிவித்துள்ளனர்.

இந்தியாவைச் சேர்ந்த வி.ஐ.பி.,க்கள், வரி ஏய்ப்பு செய்வதற்காக, ஏராளமான பணத்தை சுவிட்சர்லாந்தில் உள்ள வங்கிகளில், ரகசியமாக பதுக்கி வைத்துள்ளனர். 'இந்த கறுப்பு பணத்தை மீட்டு, இந்தியா கொண்டு வர வேண்டும்'என, நீண்ட நாட்களாக வலியுறுத்தப்பட்டு வருகிறது. இதையடுத்து, கறுப்பு பணத்தை மீட்க, விசாரணை குழுஅமைக்கும்படி, சுப்ரீம் கோர்ட், சமீபத்தில் உத்தரவிட்டது.புதிதாக பதவியேற்றுள்ள பா.ஜ., அரசு, சமீபத்தில் விசாரணை குழுவை அமைத்தது. இந்நிலையில், இதுகுறித்த முக்கியமான அறிவிப்பை சுவிட்சர்லாந்து அரசு வெளியிட்டுள்ளது.


அந்தநாட்டைச் சேர்ந்த அதிகாரி ஒருவர் கூறியதாவது:இந்தியா - சுவிட்சர்லாந்து ஆகிய நாடுகளுக்கு இடையே மேற்கொள்ளப்பட்டுள்ள ஒப்பந்தத்தின்படி, கறுப்பு பண பதுக்கல் தொடர்பான விவரங்களை பகிர்ந்து கொள்ள முடிவு செய்யப்பட்டுள்ளது.சுவிட்சர்லாந்து வங்கிகளில் பணத்தை பதுக்கி வைத்துள்ள தனிநபர்கள், நிறுவனங்களின் பட்டியல் தயார் செய்யப்பட்டு வருகிறது. அறக்கட்டளைகளின் பெயர்களில் பணத்தை பதுக்கி வைத்துள்ளவர்கள் குறித்தும், விவரம் தயார் செய்யப்பட்டு வருகிறது. சுவிட்சர்லாந்து வங்கிகளில் உள்ள பணத்தின் உண்மையான பயனாளிகள் யார் என்பதை, அதிகாரிகள் ஆய்வு செய்து வருகின்றனர். இந்த பணிகள் முடிந்ததும், இது தொடர்பான தகவல்களை இந்திய அரசிடம் பகிர்ந்து கொள்ளவும் திட்டமிடப்பட்டுள்ளது. ஆனால், பணத்தை பதுக்கி வைத்துள்ள இந்தியர்களின் விவரங்கள், பணத்தின் அளவு ஆகியவை குறித்த விவரங்களை தற்போது வெளியிட முடியாது.இவ்வாறு, அவர் கூறினார்.

*சுவிட்சர்லாந்தில் உள்ள 283 வங்கிகள், உலகம் முழுவதும் உள்ள வரி ஏய்ப்பாளர்களின் சொர்க்கமாக திகழ்கின்றன.
*இவற்றில், கிரெடிட் சுய்ஸ், யு.பி.எஸ்., ஆகிய வங்கிகளில் தான், இந்தியர்கள் அதிக அளவில் பணத்தை பதுக்கி வைத்துள்ளனர்.
*சுவிட்சர்லாந்து வங்கிகளில் இந்தியர்கள் பதுக்கி வைத்துள்ள பணத்தின் அளவு, 2012ம் ஆண்டை விட, 2013ல், 40 சதவீதம் அதிகரித்துள்ளது.
*இந்தியர்கள் சுவிட்சர்லாந்து வங்கிகளில் பதுக்கி வைத்துள்ள பணம், 14,000 கோடி ரூபாயை தொட்டுள்ளதாக, அந்த நாட்டு
மத்திய வங்கி ஆணையம் தெரிவித்துள்ளது.

-தினமலர்

இந்தியர்கள் சுவிட்சர்லாந்து வங்கிகளில் பதுக்கி வைத்துள்ள பணம், 14,000 கோடி ரூபாயை தொட்டுள்ளதாக, அந்த நாட்டு
மத்திய வங்கி ஆணையம் தெரிவித்துள்ளது.

 
நிஷா உங்கட பண வங்கி வைப்புக்களும்...

இதில் அடங்குமா???

என்ற சந்தேகத்துக்கு இடமே இல்லை...

அவவிடமிருக்கும்...

ஒவ்வொரு நாணயத்துக்கும்...

அவவின் உடலில் இருந்து பாய்ந்த வியர்வையும்,,,

கடின  உழைப்பும்  தக்க பதில் உரைக்கும்...

சரிதானே !!!

(அனைத்தும் நகைச்சுவை கலந்ததாகவே காணல்)