ஆப்பிள்’ நிறுவனத்தில் மூவரில் ஒருவர் இந்தியர்

நியூயார்க்:
அமெரிக்காவில் உள்ள மிகப் பெரிய கணினி நிறுவனமான ‘ஆப்பிள்’ நிறுவனத்தில் மொத்தம் 12,000 பொறியியலாளர்கள், வடி வமைப்பு நிபுணர்கள், தொழில் நுட்ப வல்லுநர்கள், விற்பனையாளர் கள் பணிபுரிகின்றனர்.
-
இந்நிலையில் அங்கு பணிபுரியும் பொறியியலாளர்களில் மூவரில் ஒருவர் இந்தியர் ஆவார். இந்தத் தகவலை ‘எச்எஃப்எஸ்’ என்ற ஆய்வு நிறுவனம் வெளி யிட்டுள்ளது. கடந்த 2001–2010 ஆண்டுகளில் ஆப்பிள் நிறுவனம் 1,750 ‘எச்–1பி’ விசா மூலம் வெளிநாட்டு பொறியியலாளர்களை பணியில் அமர்த்தி இருந்தது. 2011–2013ஆம் ஆண்டுகளில் அது 2800ஆக அதிகரித்தது.
-
இப்படி பணியில் சேர்க்கப்பட்ட வெளிநாட்டு பொறியியலாளர்களில் பெரும்பாலானவர்கள் இந்தியர்கள் ஆவர். மேலும் இவர்கள் ‘ஐபோன்’ மற்றும் ‘ஐபேட்’ தயாரிப்பதில் முக்கிய பங்கு வகிக்கின்றனர்.
-
இவர்கள் ‘எச்–1பி’ அல்லது ‘கிரீன்கார்ட்’ விசா மூலம் பணி யாற்றி வருகின்றனர். அதே நேரத்தில் ‘ஆப்பிள்’ நிறுவனம் இந்தியாவைச் சேர்ந்த 5 மென்பொருள் விற்பனை செய்யும் நிறுவனங்களுடன் இணைந்து பணியாற்றுகிறது. அதில் 4 பெரிய நிறுவனங்களும் ஒரு சிறிய நிறுவனமும் அடங்கும்.
-
கடந்த 2 அல்லது 3 ஆண்டுகளில் ஆப்பிள், நிறு வனத்தின் பணிகள் இந்தியாவில் உள்ள நிறுவனங்களுக்கு அதிக அளவில் வழங்கப்பட்டு உள்ளது என்றும் ‘எச்எப்எஸ்’ ஆய்வு மைய தலைமை தொகுப் பாளர் பரீக் ஜெயின் தெரிவித் துள்ளார்.
-