அல்சர் - அசிடிட்டிக்கான அசத்தல் ரெசிபிக்கள்!

by **ahmad78** Mon 20 Oct 2014 - 10:10

சிறு குழந்தைகளுக்கும் 'அசிடிட்டி’ ஏற்படுவது அதிர்ச்சியான விஷயம். அல்சர், அசிடிட்டி போன்ற வயிறு மற்றும் இரைப்பை சம்பந்தப்பட்ட பிரச்னை உள்ளவர்கள், என்ன சாப்பிடலாம் என்பதை விளக்குகிறார், சென்னை ஹெயின்ஸ் நியூட்ரிலைஃப் கிளினிக்கின் உணவு ஆலோசகர் தாரிணி கிருஷ்ணன்.
''பெப்டிக் அல்சர் என்று அழைக்கப்படும் வயிற்றுப் புண்ணுக்கும் 'அசிடிட்டி’ என்ற வயிற்றில் சுரக்கும் அமிலப் பிரச்னைக்கும் மூல காரணம், 'ஸ்ட்ரெஸ்’. அடுத்தது, முறையற்ற உணவுப் பழக்கம். சரியான நேரத்துக்கு சாப்பிடாமல் இருப்பது, உணவைத் தள்ளிப்போடுவது, அதிகமான இடைவெளிவிட்டுச் சாப்பிடுவது போன்ற சீரற்ற உணவுப் பழக்கங்களால் அல்சர் வரலாம்.
அல்சர் - அசிடிட்டிக்கான அசத்தல் ரெசிபிக்கள்! P44

அல்சர் - அசிடிட்டிக்கான அசத்தல் ரெசிபிக்கள்! P44

இப்போது அல்சர், அசிடிட்டியை விட, அதிகமான அளவில் மக்களைப் பாதித்து வரும் பிரச்னை, 'நிணிஸிஷி’ (நிணீstக்ஷீஷீமீsஷீஜீலீணீரீமீணீறீ க்ஷீமீயீறீuஜ் பீவீsமீணீsமீ) என்ற 'நெஞ்சைக் கரித்தல்’ அல்லது 'எதுக்களித்தல்’தான். உணவைச் செரிப்பதற்காக வயிற்றில் சுரக்கும் அமிலம் மேலேறி வருவதுதான், 'நெஞ்சைக் கரித்தல்’ என்கிறோம். இதற்கு முக்கியமான காரணங்கள், ஏதேனும் ஒருவேளை உணவைச் சாப்பிடாமல் விடுவது மற்றும் டென்ஷன்தான்.
அல்சர் வந்துவிட்டால், உடனடியாக உணவுப் பழக்கத்தைச் சீராக்க வேண்டும். அசிடிட்டி மற்றும் நெஞ்செரிச்சல் இருப்பவர்கள், நேரத்துக்குச் சாப்பிடுவது எந்த அளவுக்கு முக்கியமோ, அந்த அளவுக்கு, காரம் மற்றும் மசாலா இல்லாத உணவுகளை எடுத்துக்கொள்வதும்'' என்றார்.
தாரிணி கிருஷ்ணனின் வழிகாட்டுதலின்படி, அல்சருக்கான சில உணவுகளை இங்கே செய்து காட்டுகிறார் சமையல் கலை நிபுணர் ரேவதி சண்முகம்.

by **ahmad78** Mon 20 Oct 2014 - 10:11

அல்சர் - அசிடிட்டிக்கான அசத்தல் ரெசிபிக்கள்! P44a

பூசணி உலர் திராட்சை ராய்த்தா

தேவையானவை:
பூசணித் துருவல் - 2 கப்,
உலர் திராட்சை - 2 டேபிள்ஸ்பூன்,
உப்பு - ருசிக்கேற்ப,
விருப்பப்பட்டால் தேங்காய்த் துருவல் - ஒரு டேபிள்ஸ்பூன்,
பொடியாக நறுக்கிய கொத்தமல்லித் தழை - சிறிதளவு,
மிளகுத்தூள் - கால் டீஸ்பூன்,
புளிக்காத தயிர் - ஒரு கப்.
செய்முறை:
பூசணித் துருவலில் உள்ள தண்ணீரை, நன்றாகப் பிழிந்துவிடவும். தயிரில் தண்ணீர் இருந்தால், அதை வடிகட்டிவிட்டு, பூசணித் துருவல் மற்றும் கொடுத்துள்ள எல்லாப் பொருட்களையும் தயிரில் சேர்த்துக் கலக்கவும். குளிரவைத்துச் சாப்பிட்டால், சுவை கூடும்.

by **ahmad78** Mon 20 Oct 2014 - 10:12

அல்சர் - அசிடிட்டிக்கான அசத்தல் ரெசிபிக்கள்! P44b

மணத்தக்காளிக் கீரை மண்டி

தேவையானவை: மணத்தக்காளிக் கீரை - ஒரு கட்டு, சின்ன வெங்காயம் - 10, பூண்டு - 6, கெட்டியான முதல் தேங்காய்ப் பால், இரண்டாம் பால், அரிசி கழுவிய தண்ணீர் (மண்டி)- தலா அரை கப், உப்பு - ருசிக்கேற்ப. தாளிக்க: எண்ணெய் - 2 டீஸ்பூன், கடுகு - ஒரு டீஸ்பூன், காய்ந்த மிளகாய் - 1, வெந்தயம் - அரை டீஸ்பூன்.
செய்முறை: கீரையைச் சுத்தம் செய்து நறுக்கிக்கொள்ளவும். குக்கரில், எண்ணெயைக் காயவைத்து, தாளிக்கும் பொருட்களைச் சேர்த்து, காய்ந்த மிளகாயைக் கிள்ளாமல் போட்டு, தோல் உரித்து இரண்டாக நறுக்கிய வெங்காயம், பூண்டு சேர்த்து வதக்கவும். சிறிது வதங்கியதும், இரண்டாம் பால், அரிசி மண்டியைச் சேர்த்து, உப்பு போட்டு, நன்றாகக் கொதிக்கவிடவும். இதில் கீரையைப் போட்டு, மூடி இரண்டு விசில் வந்ததும் இறக்கி, முதல் பாலைச் சேர்க்கவும்.
குறிப்பு: இந்த மண்டியை, சாதத்தில் போட்டுப் பிசைந்து சாப்பிடலாம். வாய்ப் புண்ணுக்கும் இது நல்லது.

by **ahmad78** Mon 20 Oct 2014 - 10:12

அல்சர் - அசிடிட்டிக்கான அசத்தல் ரெசிபிக்கள்! P44c

வாழைத்தண்டு மோர்

தேவையானவை: புளிக்காத மோர் - ஒரு டம்ளர், நறுக்கிய வாழைத்தண்டு - கால் கப், கொத்தமல்லி - சிறிதளவு, உப்பு - ருசிக்கேற்ப, பூண்டு - பாதி, சின்ன வெங்காயம் - 1.
செய்முறை: எல்லாப் பொருட்களையும் மோர் சேர்த்து மிக்ஸியில் அரைத்து வடிகட்டிப் பயன்படுத்தவும்.
குறிப்பு: பூண்டு வாசம் பிடிக்காதவர்கள், தவிர்த்துவிடலாம்.

by **ahmad78** Mon 20 Oct 2014 - 10:12

அல்சர் - அசிடிட்டிக்கான அசத்தல் ரெசிபிக்கள்! P44f

வெஜ் அண்ட் ஃப்ரூட் சாலட்

தேவையானவை: வெள்ளரிக்காய், ஆரஞ்சு, ஆப்பிள், கொய்யா - தலா 1, விதை இல்லாத திராட்சை - 100 கிராம், மாதுளை முத்துக்கள் - அரை கப், எலுமிச்சம் பழச் சாறு - ஒரு டேபிள்ஸ்பூன், பொடித்த சர்க்கரை - 2 டேபிள்ஸ்பூன், மிளகுத் தூள் - அரை டீஸ்பூன், உப்பு - ருசிக்கேற்ப, கொத்தமல்லி, புதினா - தலா ஒரு கொத்து.
செய்முறை: வெள்ளரிக்காயைக் கழுவி, தோல் சீவி (பிஞ்சு எனில் தோல் சீவத் தேவை இல்லை), மெல்லிய அரை வட்டத் துண்டுகளாக நறுக்கவும். கொய்யாப் பழத்தின் விதைகள் நீக்கி, அதே வடிவில் நறுக்கவும். ஆப்பிளைத் தோல் சீவி நறுக்கவும். ஆரஞ்சுச் சுளைகளை விதை, நார் நீக்கி எடுத்துக்கொள்ளவும். பாத்திரத்தில் எலுமிச்சைச் சாறு, உப்பு, சர்க்கரை, மிளகுத் தூள் சேர்த்துக் கலந்து, நறுக்கிய காய், பழத் துண்டுகளைச் சேர்க்கவும். இதில் கொத்தமல்லி, புதினாவைப் பொடியாக நறுக்கிச் சேர்த்துக் கலந்து பரிமாறலாம்.

by **ahmad78** Mon 20 Oct 2014 - 10:13

அல்சர் - அசிடிட்டிக்கான அசத்தல் ரெசிபிக்கள்! P44g

பீர்க்கங்காய் இளங்கூட்டு

தேவையானவை: பாசிப்பருப்பு - அரை கப், பீர்க்கங்காய் - 150 கிராம், சின்ன வெங்காயம் - 5, தக்காளி - 1, மிளகாய்த் தூள் - அரை டீஸ்பூன், தேங்காய்த் துருவல் - 2 டேபிள்ஸ்பூன், உப்பு - ருசிக்கேற்ப. தாளிக்க: எண்ணெய், நெய் - தலா ஒரு டீஸ்பூன், கடுகு, உளுத்தம் பருப்பு, சீரகம் - தலா அரை டீஸ்பூன், கறிவேப்பிலை - சிறிதளவு.
செய்முறை: பீர்க்கங்காயைத் தோல் சீவி, சிறு துண்டுகளாக நறுக்கவும். வெங்காயம், தக்காளியைப் பொடியாக நறுக்கவும். ஒரு பாத்திரத்தில் பாசிப்பருப்பை முக்கால் பதமாக வேகவிட்டு, வெந்ததும், பீர்க்கங்காய், வெங்காயம், தக்காளி சேர்த்து, அதிலேயே மிளகாய்த் தூள், உப்பு போட்டு வேகவைக்கவும். காய் வெந்ததும் இறக்கவும். கடுகு தாளித்துச் சேர்த்து, தேங்காய்த் துருவல் போட்டுக் கலக்கவும்.
குறிப்பு: மிளகாய்த் தூளுக்குப் பதிலாக, இரண்டு காய்ந்த மிளகாயைப் போட்டுத் தாளிக்கலாம். சிறிது கொத்தமல்லித் தழையைப் பொடியாக நறுக்கிச் சேர்த்தால், நன்றாக இருக்கும். சப்பாத்திக்கு நல்ல சைடு டிஷ்.

- பிரேமா நாராயணன்

படங்கள்: பொன். காசிராஜன்

விகடன்

by **Nisha** Mon 20 Oct 2014 - 10:24

அவசியமான ஆலோசனைப்பதிவு முஹைதீன்!

எனக்கு இந்த நெஞ்செரித்தல் பிரச்சனை இருக்கின்றது. அதாவது அமிலம் மேறேறி வருதல்.. ரெம்ப கஷ்டமான் பிரச்சனை இது.

டென்சனும் ஸ்ரெஸும் தான் இதுக்கு அடிப்படை எனினும் எங்கே இவை இரண்டும் இல்லாமல் வாழ முடிகின்றதுப்பா!

by **ahmad78** Mon 20 Oct 2014 - 10:30

இங்கயும்தான் டென்ஷன் மனஅழுத்தம் இல்லாமல் வாழமுடிவதில்லை.

எவ்வளவுதான் டென்ஷன் இல்லாம வேலை செய்யனும்னு நினைச்சாலும் பக்கத்தில உள்ளவனுங்க மூஞ்ச பார்த்தவுடன் தலைக்கு ஏறுது.

by **Nisha** Mon 20 Oct 2014 - 10:31

ஹாஹா!

எனக்கு பக்கத்தில் இருப்பவர்களால் டென்சன் இல்லை! ஒவ்வொரு ஆர்டரும் சரியாய் முடிக்கணுமோ எனும் டென்சன் எப்பவும் இருக்கும்.

by **சுறா** Mon 20 Oct 2014 - 11:29

Nisha wrote:அவசியமான ஆலோசனைப்பதிவு முஹைதீன்!

எனக்கு இந்த நெஞ்செரித்தல் பிரச்சனை இருக்கின்றது. அதாவது அமிலம் மேறேறி வருதல்.. ரெம்ப கஷ்டமான் பிரச்சனை இது.

டென்சனும் ஸ்ரெஸும் தான் இதுக்கு அடிப்படை எனினும் எங்கே இவை இரண்டும் இல்லாமல் வாழ முடிகின்றதுப்பா!

இதுக்கெல்லாமா வருத்தப்படுவாங்க

நெஞ்செரிச்சல் இருந்தா வெள்ளரியை சகட்டு மேனிக்கு தின்னுங்க. எல்லாம் சரியாயிடும்.

அதிகம் தயிர் சாப்பிட்டா அல்லது லெமன் சாப்பிட்டா தான் நெஞ்செரிச்சல் வரும்

by **Nisha** Mon 20 Oct 2014 - 12:03

அட வெள்ளரி சாப்பிடுவேன். ஆனால் அதிகம் இல்லை. இனி முயற்சி செய்கின்றேன்பா!

by **பானுஷபானா** Mon 20 Oct 2014 - 13:26

பகிர்வுக்கு நன்றி முஹைதீன்

by Sponsored content

அல்சர் - அசிடிட்டிக்கான அசத்தல் ரெசிபிக்கள்!

அல்சர் - அசிடிட்டிக்கான அசத்தல் ரெசிபிக்கள்!

Re: அல்சர் - அசிடிட்டிக்கான அசத்தல் ரெசிபிக்கள்!

Re: அல்சர் - அசிடிட்டிக்கான அசத்தல் ரெசிபிக்கள்!

Re: அல்சர் - அசிடிட்டிக்கான அசத்தல் ரெசிபிக்கள்!

Re: அல்சர் - அசிடிட்டிக்கான அசத்தல் ரெசிபிக்கள்!

Re: அல்சர் - அசிடிட்டிக்கான அசத்தல் ரெசிபிக்கள்!

Re: அல்சர் - அசிடிட்டிக்கான அசத்தல் ரெசிபிக்கள்!

Re: அல்சர் - அசிடிட்டிக்கான அசத்தல் ரெசிபிக்கள்!

Re: அல்சர் - அசிடிட்டிக்கான அசத்தல் ரெசிபிக்கள்!

Re: அல்சர் - அசிடிட்டிக்கான அசத்தல் ரெசிபிக்கள்!

Re: அல்சர் - அசிடிட்டிக்கான அசத்தல் ரெசிபிக்கள்!

Re: அல்சர் - அசிடிட்டிக்கான அசத்தல் ரெசிபிக்கள்!

Re: அல்சர் - அசிடிட்டிக்கான அசத்தல் ரெசிபிக்கள்!